ମଳମାସକୁ “ପୁରୁଷୋତ୍ତମ ମାସ” କୁହାଯାଏ କାହିଁକି ?

ମଳମାସ ଆରମ୍ଭ ହେବାକୁ ଯାଉଛି। ମଳମାସରେ କୌଣସି ଶୁଭ ଏବଂ ନୂତନ କାର୍ଯ୍ୟ କରାଯାଏ ନାହିଁ। ଜ୍ୟୋତିଷଶାସ୍ତ୍ର ଅନୁଯାୟୀ ମଳମାସ ପ୍ରତି ତିନି ବର୍ଷରେ ଥରେ ଆସିଥାଏ। ମଳମାସକୁ ଅଧିକ ମାସ ଏବଂ ପୁରୁଷୋତ୍ତମ ମାସ ମଧ୍ୟ କୁହାଯାଏ। ମଳମାସରେ ବିବାହ , ଗୃହପ୍ରବେଶ , ଲଣ୍ଡା ହେବା ଇତ୍ୟାଦି ଶୁଭ ଏବଂ ମାଙ୍ଗଳିକ କାର୍ଯ୍ୟ କରାଯାଏ ନାହିଁ। ମଳମାସରେ ଶୁଭକାର୍ଯ୍ୟକୁ ନିଷେଧ ବୋଲି ବିବେଚନା କରାଯାଏ । ଏଥର ମଳମାସ ସେପ୍ଟେମ୍ବର ୧୮ ତାରିଖରୁ ଆରମ୍ଭ ହୋଇ ଅକ୍ଟୋବର ୧୬ ତାରିଖ ପର୍ଯ୍ୟନ୍ତ ରହିବ।
କାହିଁକି ମଳମାସକୁ “ପୁରୁଷୋତ୍ତମ ମାସ” କୁହାଯାଏ:-
ପୂର୍ବରୁ ମଳମାସକୁ ଅତ୍ୟନ୍ତ ଅଶୁଭ ବୋଲି ବିବେଚନା କରାଯାଉଥିଲା କିନ୍ତୁ ଏହା ପରେ ଶ୍ରୀହରୀ ଏହି ମାସକୁ ନିଜର ନାମ ଦେଇଥିଲେ , ଯାହା ପରେ ଏହାକୁ ଶୁଭ ବୋଲି ବିବେଚନା କରାଯାଇଥିଲା। ବର୍ତ୍ତମାନ ଏହି ମାସର ନାମ “ପୁରୁଷୋତ୍ତମ ମାସ” ବୋଲି ଦିଆଯାଇଛି। ମଳମାସରେ ଭଗବାନ ବିଷ୍ଣୁଙ୍କ ଉପାସନାକୁ ବିଶେଷ ଗୁରୁତ୍ୱ ଦିଆଯାଇଛି। ଏହି ସମୟରେ ଚତୁର୍ମାସ ଚାଲିଅଛି। ଚତୁର୍ମାସରେ ଭଗବାନ ବିଷ୍ଣୁ ବିଶ୍ରାମ ନେବା ପାଇଁ ପାତାଳ ଲୋକକୁ ଚାଲି ଯାଆନ୍ତି। ଅଧିକ ମାସରେ ଭଗବାନ ବିଷ୍ଣୁଙ୍କୁ ପୂଜା କରିବା ଦ୍ୱାରା ସମସ୍ତ ଇଚ୍ଛା ପୂରଣ ହୋଇଥାଏ। ବିଶ୍ୱାସ କରାଯାଏ ଯେ ଅଧିକ ମାସରେ ଦିଆଯାଇଥିବା ଦାନର ବହୁଗୁଣିତ ପୁଣ୍ୟ ପ୍ରାପ୍ତ ହୋଇଥାଏ।
ତିନି ବର୍ଷରେ ଥରେ କାହିଁକି ଆସେ:-
ଜ୍ୟୋତିଷଶାସ୍ତ୍ର ଅନୁଯାୟୀ ମଳମାସ କିମ୍ବା ଅଧିକ ମାସର ଆଧାର ସୂର୍ଯ୍ୟ ଏବଂ ଚନ୍ଦ୍ରର ଗତିବିଧି ଉପରେ ଆଧାରିତ ହୋଇଥାଏ। ସୂର୍ଯ୍ୟ ବର୍ଷ ୩୬୫ ଦିନ ଏବଂ ପ୍ରାୟ ୬ ଘଣ୍ଟା ହୋଇଥାଏ। ଚନ୍ଦ୍ର ବର୍ଷ ୩୫୪ ଦିନ ବୋଲି ବିବେଚନା କରାଯାଏ। ଏହି ଦୁଇ ବର୍ଷ ମଧ୍ୟରେ ୧୧ ଦିନର ଅନ୍ତର ରହିଥାଏ। ଏହି ଅନ୍ତର ତିନି ବର୍ଷରେ ଏକ ମାସ ସହିତ ସମାନ ହୋଇଥାଏ। ଏହି ଅନ୍ତରକୁ ଦୂର କରିବା ପାଇଁ ପ୍ରତି ତିନି ବର୍ଷରେ ଏକ ଚନ୍ଦ୍ର ମାସ ଆସିଥାଏ। ଏହାକୁ ମଳମାସ କୁହାଯାଏ।
ଏହି କାମ ଗୁଡିକ ଏହି ମାସରେ କରାଯିବା ଉଚିତ ନୁହେଁ:-
ମଳମାସରେ ବିବାହ , ଗୃହପ୍ରବେଶ , ଲଣ୍ଡା ହେବା ଆଡୁ ଶୁଭ ଏବଂ ମାଙ୍ଗଳିକ କାର୍ଯ୍ୟ କରାଯାଏ ନାହିଁ। ଶୁଭ କାର୍ଯ୍ୟକୁ ମଳମାସରେ ନିଷେଧ ବୋଲି ବିବେଚନା କରାଯାଏ। ଏହି ମାସରେ ନୂତନ ବ୍ୟବସାୟ କିମ୍ବା ନୂତନ କାର୍ଯ୍ୟ ଆରମ୍ଭ କରିବା ଉଚିତ ନୁହେଁ। ଏଥି ସହିତ ନୂତନ ଘର ନିର୍ମାଣ ଏବଂ ସମ୍ପତ୍ତି କ୍ରୟ କରିବା ଉଚିତ ନୁହେଁ।
ଏହି କାମ କରିବା ନିଷେଧ ନୁହେଁ:-
ଖରମାସରେ ବିବାହ ସହ ଜଡିତ ଚର୍ଚ୍ଚା , ବିବାହର ସହମତି , ପୂର୍ବରୁ ଆରମ୍ଭ କରାଯାଇଥିବା କାର୍ଯ୍ୟର ଶେଷ , ସରକାରୀ କାର୍ଯ୍ୟ , ଶିକ୍ଷାନୁଷ୍ଠାନରେ ଆଡମିଶନ , ସମ୍ପତ୍ତି ରେଜିଷ୍ଟ୍ରେସନ, ଯାନବାହନ ବୁକିଂ, ଆନ୍ତରିକତା , ଅଧ୍ୟୟନ , ସାଧାରଣ ଦିନଚର୍ଯ୍ୟା କିମ୍ବା ଦୈନନ୍ଦିନ ବ୍ୟବସ୍ଥାରେ କାର୍ଯ୍ୟ ଆଦି କରାଯାଇପାରିବ।
ମଳମାସରେ ପଡ଼ିବାକୁ ଥିବା ଶୁଭ ତିଥି:-
ମଳମାସର କିଛି ତିଥି ଅତ୍ୟନ୍ତ ଶୁଭ ଅଟେ , ଯେଉଁଥିରେ ଆପଣ କ୍ରୟ କରିପାରିବେ। ସେପ୍ଟେମ୍ବର ୧୮ ତାରିଖ , ଶୁକ୍ରବାର ଦିନ ଉତ୍ତରାଫାଲଗୁନି ନକ୍ଷତ୍ର ରହିଛି , ଏହାକୁ ଅତ୍ୟନ୍ତ ମଙ୍ଗଳକାରୀ ଭାବରେ ବିବେଚନା କରାଯାଏ। ସେପ୍ଟେମ୍ବର ୨୧ , ୨୬ ତାରିଖ ଏବଂ ଅକ୍ଟୋବର ୧ ,୨ ,୪ ,୬ ,୭ ,୯ ,୧୧ ରେ ସର୍ବସିଦ୍ଧି ଯୋଗ ରହିଛି।
ବିଶ୍ୱାସ କରାଯାଏ ଯେ ଏହି ଯୋଗରେ ଯେକୌଣସି କାର୍ଯ୍ୟ ଆରମ୍ଭ କରିବା ଦ୍ୱାରା ନିଶ୍ଚିତ ଭାବରେ ସଫଳତା ମିଳିଥାଏ। ସେପ୍ଟେମ୍ବର ୧୯ ଏବଂ ୨୭ ତାରିଖରେ ଦ୍ୱିପୁଷ୍କର ଯୋଗ ରହିଛି। ପୌରାଣିକ ବିଶ୍ୱାସ ଅନୁଯାୟୀ ଏହି ଯୋଗରେ ଯେକୌଣସି କାର୍ଯ୍ୟ କରିବା ଦ୍ୱାରା ଦ୍ବିଗୁଣ ଫଳ ମିଳିଥାଏ। ଅକ୍ଟୋବର ୨ ତାରିଖରେ ଅମୃତାସିଦ୍ଧି ଯୋଗ ରହିଛି।