ପରଲୋକରେ ଶଶିକଳା

ମୁମ୍ୱାଇ (ବଡ଼ ଖବର ବ୍ୟୁରୋ): ବଲିଉଡର ବରିଷ୍ଠ ଅଭିନେତ୍ରୀ ଶଶିକଳାଙ୍କ ପରଲୋକ ହୋଇଛି। ରବିବାର ମଧ୍ୟାହ୍ନରେ ୮୮ ବର୍ଷ ବୟସରେ ତାଙ୍କର ପରଲୋକ ହୋଇଛି। ସତୁରୀ ଦଶକରେ ବଲିଉଡରେ ଉଭୟ ହିରୋଇନ ଓ ଖଳନାୟିକା ଭୂମିକାରେ ଖୁବ ନିଖୂଣ ଅଭିନୟ କରି ଦର୍ଶକଙ୍କର ଖୁବ ପ୍ରିୟ ହୋଇପାରିଥିଲେ।

ସେ ପ୍ରାୟ ୧୦୦ ବଲିଉଡ ଚଳଚ୍ଚିତ୍ରରେ ଅଭିନୟ କରିଥିଲେ। ଶଶିଙ୍କ ସମ୍ପୂର୍ଣ୍ଣ ନାମ ହେଉଛି ଶଶିକଳା ଜାଭାଲକର । ସେ ୪ ଅଗଷ୍ଟ ୧୯୩୨ରେ ଏକ ମରାଠୀ ପରିବାରର ଜନ୍ମଗ୍ରହଶ କରିଥିଲେ। ଶଶିକଳାଙ୍କ ପ୍ରଥମ ଚଳଚ୍ଚିତ୍ର ଥିଲା ଜିନତ । ପରେ ପରେ ସେ ହାମଜୋଲି, ସରଗାମ, ଚୋରୀ ଚୋରୀ, ନୀଲକମଲ, ଅନୁପମାରେ ମଧ୍ୟ ଅଭିନୟ କରିଥିଲେ। ୨୦୦୭ ରେ ତାଙ୍କୁ ଭାରତ ସରକାରଙ୍କ ଦ୍ଵାରା ପଦ୍ମଶ୍ରୀ ପୁରସ୍କାର ପ୍ରଦାନ କରାଯାଇଥିଲା।