ଭୋପାଳରେ ଅମ୍ଳଜାନର ଅଭାବ

ମଧ୍ୟପ୍ରଦେଶ(ବଡ଼ ଖବର ବ୍ୟୁରୋ ): ମଧ୍ୟପ୍ରଦେଶର ରାଜଧାନୀ ଭୋପାଳରେ ଅମ୍ଳଜାନର ଅଭାବ ଦେଖାଦେଇଛି। ୧୦୦ ରୁ ଅଧିକ ଡାକ୍ତରଖାନା ଏବେ ଅମ୍ଳଜାନ ଅଭାବର ସାମ୍ନା କରିବାକୁ ଯାଉଛି। କରୋନା ସଂକ୍ରମିତଙ୍କୁ ବି ମିଳିପାରୁନି ଅମ୍ଳଜାନ। ଗୁଜୁରାଟରୁ ଭୋପାଳକୁ ତରଳ ଅମ୍ଳଜାନ ଯୋଗାଣ ବନ୍ଦ ହେବାପରେ ଏହି ଅଭାବ ଦେଖାଦେଇଛି।

ସୂଚନାନୁଯାୟୀ, ଗତ କିଛିଦିନ ଧରି ଗୁଜୁରାଟରୁ ଭୋପାଳକୁ ତରଳ ଅମ୍ଳଜାନ ଯୋଗାଣ ହୋଇପାରୁ ନାହିଁ। ସିଟି ବିକ୍ରେତାମାନେ କହିଛନ୍ତି ଯଦି ଗୁରୁବାର ସୁଦ୍ଧା ଅମ୍ଳଜାନ ଉପଲବ୍ଧ ନହୁଏ, ତେବେ ୧୦୦ ରୁ ଅଧିକ ଡାକ୍ତରଖାନାରେ ଅମ୍ଳଜାନର ଅଭାବ ଦେଖାଯିବ। ଭୋପାଳ ଗୁଜୁରାଟରୁ ୮୦ ରୁ ୧୦୦ ଟନ୍ ଅମ୍ଳଜାନ ନେଉଥିଲା। ଗୁଜୁରାଟ ଅମ୍ଳଜାନ ଯୋଗାଣ ବନ୍ଦ କରିବା ପରେ ଜିଲ୍ଲା କଲେକ୍ଟର ଅବିନାଶ ଲାଭାନିଆ ଶିଳ୍ପକୁ ଅମ୍ଳଜାନ ଯୋଗାଣ ଉପରେ ପ୍ରତିବନ୍ଧକ ଲଗାଇଛନ୍ତି।