୨୪ ଘଣ୍ଟାରେ ୯୦୪ ମୃତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିନକୁ ଦିନ ବଢିବାରେ ଲାଗିଛି କରୋନା ଗ୍ରାଫ । ଦେଶରେ ରେକର୍ଡ ଭାଙ୍ଗୁଛି କରୋନା। ଦିନକୁ ଦିନ ଉଗ୍ର ରୂପ ନେବାରେ ଲାଗିଛି । ଥମିବାର ନା ଧରୁ ନାହିଁ । ଦୈନିକ ସଂକ୍ରମଣରେ ଚଳିତବର୍ଷ ୨୦୨୦କୁ ମାତ ଦେଇଛି କରୋନା । ଆରମ୍ଭ ହୋଇଥିବା କୋରୋନାର ଦ୍ବିତୀୟ ଲହରୀରେ ଲଗାତାର ୧ ଲକ୍ଷ ପାର କରିଛି କୋରୋନା ସଂକ୍ରମଣ ।

କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ରିପୋର୍ଟ ମୁତାବକ, ଦେଶରେ ୨୪ ଘଣ୍ଟାରେ ୧ ଲକ୍ଷ ୬୮ ହଜାର ୯୧୨ ସଂକ୍ରମିତ ହୋଇଥିବା ବେଳେ ମୋଟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୩୫ ଲକ୍ଷ ୨୭ ହଜାର ୭୧୭ରେ ପହଁଚିଛି । ତେବେ ଦେଶରେ ଦିନକରେ ୯୦୪ ଜଣ କରୋନା ଆକ୍ରାନ୍ତଙ୍କ ମୃତ୍ୟୁ ଘଟିଥିବା ବେଳେ କରୋନା ମୃତ୍ୟୁସଂଖ୍ୟା ୧ ଲକ୍ଷ ୭୦ ହଜାର ୧୭୯କୁ ବୃଦ୍ଧି ପାଇଛି । ଏହାସହ ଆକ୍ଟିଭ କେସ ୧୨ ଲକ୍ଷ ୧ ହଜାର ୯ ରହିଥିବା ବେଳେ ସୁସ୍ଥ କେସ ୧ କୋଟି ୨୧ ଲକ୍ଷ ୫୬ ହଜାର ୫୨୯ ରହିଛି ।