ପୁରୀ(ବଡ଼ ଖବର ବ୍ୟୁରୋ): ଚିକିତ୍ସା ପାଇଁ ଅର୍ଥ ସାଜୁଛି ବାଧକ । ୧୦ବର୍ଷର ପୁଅକୁ ବ୍ଲଡ଼ କ୍ୟାନ୍ସର । କିନ୍ତୁ ପାଖରେ ସାଧନ ନଥିବା କାରଣରୁ ପୁଅକୁ ଭଲ ଡାକ୍ତରଙ୍କୁ ଦେଖାଇ ପାରୁନି ମା । ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ପାଟଳଦାପଞ୍ଚାୟତ କୁସୁମ୍ଭର ଗ୍ରାମର ସସ୍ମିତା ମହାନ୍ତି । ୧୦ ବର୍ଷ ତଳେ ସ୍ୱାମୀଙ୍କ ମୃତ୍ୟୁ ହୋଇଥିଲା । ଏତେବଡ଼ ଦୁଃଖ ନଯାଉଣୁ ଏବେ ୧୦ ବର୍ଷର ଛୋଟ ପୁଅକୁ ବ୍ଲଡ଼ କ୍ୟାନ୍ସର । ୭ମାସ ହେଲା ରୋଗରେ ପୀଡ଼ିତ । ପାଖରେ ସମ୍ବଳ ନଥିବାରୁ ପୁଅକୁ ଭଲ ଡାକ୍ତରଙ୍କୁ ଦେଖାଇପାରୁନାହାନ୍ତି ।
ଏବେ କଟକ ବଡ଼ ମେଡିକାଲରେ ଚିକିତ୍ସିତ ହେଉଛି ପୁଅ ଶୁଭମ । ପୁଅର ଅସୁସ୍ଥତାକୁ ନେଇ ଚିନ୍ତାରେ ସସ୍ମିତାଙ୍କର ମଧ୍ୟ ସ୍ୱାସ୍ଥ୍ୟାବସ୍ଥା ବିଗିଡ଼ିବାରେ ଲାଗିଲାଣି । ତେବେ ପୁଅର ଭବିଷ୍ୟତକୁ ନେଇ ଚିନ୍ତା ପ୍ରକଟ କରିଛନ୍ତି ସସ୍ମିତା ଯଦି ଶୁଭମଙ୍କୁ କେହି ସହୃଦୟ ବ୍ୟକ୍ତି ସାହାଯ୍ୟ କରିବାକୁ ଚାହୁଁଥାନ୍ତି ତେବେ ୯୫୫୬୦୪୩୨୯୫ନଂରେ ସାହାଯ୍ୟ କରିପାରନ୍ତି ।
