ବ୍ଲାକ ଫଙ୍ଗସ ପାଇଁ ୭ ଜଣିଆ କମିଟି

ଭୁବନେଶ୍ୱର(ବଡ଼ ଖବର ବ୍ୟୁରୋ): ବ୍ଲାକ ଫଙ୍ଗସ ପାଇଁ ଗଠନ ହେଲା କମିଟି । ୭ଜଣିଆ ବିଶେଷଜ୍ଞ ଟିମ୍ ଗଠନ କଲେ ରାଜ୍ୟ ସରକାର । ଏସସିବିର ମାଇକ୍ରୋବାୟୋଲୋଜି ବିଭାଗର ମୁଖ୍ୟ ପ୍ରଫେସର ନିରୁପମା ଚଇନିଙ୍କୁ କମିଟିର ଅଧ୍ୟକ୍ଷ ଦାୟିତ୍ୱ ଦିଅଯାଇଛି । ଏହାସହ କମିଟିରେ ମେଡିସିନ, ଇଏନଟି, ଛାତି ରୋଗ ବିଭାଗ କମିଟିରେ ମୁଖ୍ୟ ସଦସ୍ୟ ଅଛନ୍ତି । ଏହି କମିଟି ବିଭିନ୍ନ ହସ୍ପିଟାଲରେ ଭର୍ତ୍ତି ହୋଇଥିବା ବ୍ଲାକ ଫଙ୍ଗସ ରୋଗୀଙ୍କ ତର୍ଜମା କରିବ । ତ୍ୱରିତ ରୋଗ ଚିହ୍ନଟ ଓ ପରିଚାଳନା ନେଇ ଗାଇଡଲାଇନ ମଧ୍ୟ ପ୍ରସ୍ତୁତ କରିବ ।

କରୋନାର କାୟା ଦିନକୁ ଦିନ ବଢୁଥିବା ବେଳେ ବର୍ତ୍ତମାନ ରାଜ୍ୟରେ ସ୍ଥିତି ସଙ୍ଗୀନ ହେବାରେ ଲାଗିଛି । କରୋନାରୁ ସୁସ୍ଥ ହେବା ପରେ ରୋଗୀମାନେ ବର୍ତ୍ତମାନ ବ୍ଲାକ ଫଙ୍ଗସରେ ଆକ୍ରାନ୍ତ ହେଉଛନ୍ତି । ଏହାକୁ ଦୃଷ୍ଟିରେ ରଖି ସରକାର ଏହି ନିଷ୍ପତ୍ତି ନେଇଛନ୍ତି । ଏହି କମିଟି ବ୍ଲାକ ଫଙ୍ଗସ ରୋଗୀଙ୍କୁ ଚିହ୍ନଟ କରିବା ସହିତ ସେମାନଙ୍କ ପାଇଁ ଗାଇଡ଼ଲାଇନ ତିଆରି କରିବ । ରାଜ୍ୟରେ ବର୍ତ୍ତମାନ ସୁଦ୍ଧା ୫ ଜଣ ବ୍ଲାକ ଫଙ୍ଗସ ରୋଗୀ ଚିହ୍ନଟ ହୋଇଛନ୍ତି । ସେମାନେ ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଛନ୍ତି ।