ଜେନେରେଟର ଚଲାଇବା ଉପରେ କଟକଣା

ଭୁବନେଶ୍ୱର(ବଡ଼ ଖବର ବ୍ୟୁରୋ): ୨୭ ତାରିଖ ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ବ୍ୟବହାର କରିପାରିବେନି ଡିଜି ଓ ଜେନେରେଟର । ବାତ୍ୟା ପରବର୍ତ୍ତୀ ସମୟରେ ବିଦ୍ୟୁତ ଖୁଣ୍ଟିର ପୁନରୁଦ୍ଧାର ଓ ମରାମତି କାର୍ଯ୍ୟରେ ନିୟୋଜିତ ହେବେ ବିଦ୍ୟୁତ କର୍ମୀ । ଅନେକ ଲୋକ ମେନ୍ ସ୍ୱିଚ ବନ୍ଦ ନକରି ଡିଜି ଓ ଜେନେରେଟର ବ୍ୟବହାର କରୁଛନ୍ତି ।

ତେଣୁ ଡିଜି ବା ଜେନେରେଟରରୁ କରେଣ୍ଟ ବ୍ୟାକ ହୋଇ ବିଦ୍ୟୁତ କର୍ମୀଙ୍କୁ ଆଘାତ ଲାଗିପାରେ । ଦୁର୍ଘଟଣାକୁ ଏଡ଼ାଇବାକୁ ଜେନେରେଟର ଓ ଡିଜି ବ୍ୟବହାର ନକରିବାକୁ ଏଭଳି ପଦକ୍ଷେପ ନିଆଯାଇଛି । ଏନେଇ ଘୋଷଣା କରିଛନ୍ତି ଏସଆରସି । ନିୟମ ଭାଙ୍ଗିଲେ ନିଆଯିବ ଦୃଢ଼ କାର୍ଯ୍ୟାନୁଷ୍ଠାନ । ସାରା ରାଜ୍ୟରେ ଲାଗୁ ହେବ ଏହି ନିୟମ ।