ନୂଆଦିଲ୍ଲ୍ଲୀ(ବଡ଼ ଖବର ବ୍ୟୁରୋ): ୧୨ରୁ ଅଧିକ ବୟସବର୍ଗଙ୍କ ପାଇଁ ଫାଇଜର ଟିକା ଉପଯୁକ୍ତ । ଏନେଇ ଆମେରିକୀୟ ଔଷଧ କମ୍ପାନୀ ଫାଇଜର କେନ୍ଦ୍ର ସରକାରଙ୍କୁ କହିଛି । ୨ରୁ ୮ଡିଗ୍ରୀ ତାପମାତ୍ରାରେ ଫାଇଜର ଗଚ୍ଛିତ ମଧ୍ୟ ରଖିହେବ । ‘ଇଣ୍ଡେମିନିଟି ପ୍ରୋଟେକ୍ସନ୍ ଲାଏବିଲିଟି’ ସଂକ୍ରାନ୍ତରେ ‘ଫାଇଜର’ର ଅଧିକାରୀ ଏବଂ ସରକାର ଆଲୋଚନା କରିଛନ୍ତି। ତେବେ ଭାରତକୁ ଟିକା ଆଣିବା ପୂର୍ବରୁ କେତେକ ନିୟମ କୋହଳ କରିବା ଲାଗି ମଧ୍ୟ ‘ଫାଇଜର୍’ ସରକାରଙ୍କୁ ଅନୁରୋଧ କରିଛି ବୋଲି ବିଶେଷସୂତ୍ରରୁ ସୂଚନା ମିଳିଛି।
ସର୍ତ୍ତାବଳୀ କୋହଳ ହେଲେ ୨୦୨୧ରେ ଭାରତକୁ ୫ କୋଟି କୋଭିଡ୍-୧୯ ଟିକା ଯୋଗାଇ ଦେବ ବୋଲି ‘ଫାଇଜର୍’ କହିଛି। ସେପଟେ ମୁମ୍ବାଇର ଏକ ଘରୋଇ ଔଧେ କମ୍ପାନୀ ସହ ମିଶି ଆମେରିକୀୟ କମ୍ପାନୀ ‘ମଡର୍ଣ୍ଣା’ ମଧ୍ୟ ଭାରତରେ କୋଭିଡ଼-୧୯ ଟିକା ଉତ୍ପାଦନ କରିବା ଲାଗି ଚେଷ୍ଟା ଚଳାଇଛି । ତେବେ ଆଗରୁ ମଡର୍ଣ୍ଣା ଓ ଫାଇଜର କମ୍ପାନୀ କେବଳ କେନ୍ଦ୍ର ସରକାରଙ୍କୁ ହିଁ ଟିକା ଦେବେ ବୋଲି କହି ପଞ୍ଜାବ ଓ ଦିଲ୍ଲୀ ସରକାରଙ୍କୁ ସିଧାସଳଖ ଟିକା ଦେବାକୁ ମନା କରିଦେଇଥିଲେ ।
