ସ୍କୁଲ ଶିକ୍ଷୟିତ୍ରୀଙ୍କ ବଦଳି ଦାବିରେ ଓପେପା ଘେରିଲେ ଅଭିଭାବକ

ଭୁବନେଶ୍ୱର(ବଡ଼ ଖବର ବ୍ୟୁରୋ): ସ୍କୁଲ ଶିକ୍ଷୟିତ୍ରୀଙ୍କ ବଦଳି ଦାବିରେ ଭୁବନେଶ୍ୱର ଓପେପା ଅଫିସ ଘେରିଲେ ଅଭିଭାବକ । ବାଲେଶ୍ୱର ଜିଲ୍ଲା ରେମୁଣା ବ୍ଲକ ଶେରଗଡ଼ ପଞ୍ଚାୟତ ନୂଆଗାଁ ଗଙ୍ଗାଧର ପ୍ରସାଦ ସରକାରୀ ହାଇସ୍କୁଲର ପ୍ରଧାନ ଶିକ୍ଷୟିତ୍ରୀ ସୁଚିତ୍ରା ପ୍ରଧାନଙ୍କ ବଦଳି ଅର୍ଡର କାର୍ଯ୍ୟକାରୀ ଦାବିରେ ଭୁବନେଶ୍ୱରରେ ଓପେପା ଅଫିସ ଘେରିଲେ ସ୍କୁଲ କମିଟି ଅଭିଭାବକ ଓ ସ୍ଥାନୀୟ ଲୋକେ । ଗତ ୨୨.୦୯.୨୦୨୨ ଠାରୁ ପ୍ରଧାନ ଶିକ୍ଷୟିତ୍ରୀ ଭାବେ ଯୋଗଦାନ କରିବା ପର ଠାରୁ ମନମୁଖୀ କାର୍ଯ୍ୟ କରିବାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଅଭିଭାବକ ।

ସେପଟେ ମନ୍ତ୍ରୀ, ବିଧାୟକ, ଶିକ୍ଷା ବିଭାଗର ଉଚ୍ଚ ପଦସ୍ତ ଅଧିକାରୀ, ଜିଲ୍ଲାପାଳଙ୍କୁ ମଧ୍ୟ ଅବଗତ କରାଇଥିଲେ ମଧ୍ୟ ଏଯାଏଁ ବଦଳି ଅର୍ଡର ହୋଇ ପାରୁନାହିଁ । ବାଲେଶ୍ୱର ଜିଲ୍ଲା ଶିକ୍ଷା ଅଧିକାରୀ ଏ ବିଷୟରେ ତଦନ୍ତ କରି ତୁରନ୍ତ ପ୍ରଧାନ ଶିକ୍ଷୟିତ୍ରୀଙ୍କ ବଦଳି ପାଇ ନିର୍ଦେଶ ଦେଇ ଥିଲେ ସୁଦ୍ଧା ଏଯାଏଁ କାର୍ୟ୍ୟକାରୀ ହୋଇ ନ ଥିବାରୁ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦେଖାଦେଇଛି । ୨୪ ଘଣ୍ଟା ମଧ୍ୟରେ ପ୍ରଧାନ ଶିକ୍ଷୟିତ୍ରୀଙ୍କ ବଦଳି କରାନଗଲେ ଆନେ୍ଦାଳନକୁ ଅନିର୍ଦ୍ଧିଷ୍ଟ କାଳ ଯାଏଁ ଅନଶନରେ ବସିବେ ବୋଲି ଚେତାବନୀ ଦେଇଛନ୍ତି ।