ଟାଙ୍ଗୀଚୌଦ୍ୱାର (ବଡ଼ ଖବର ବ୍ୟୁରୋ): କଟକ ଜିଲ୍ଲା ଟାଙ୍ଗୀ ଡ୍ରିମ୍ କୋଭିଡ୍ କେୟାରରେ ନିଜ ବେକକୁ ନିଜେ ଛୁରୀ ମାରିଲେ କୋଭିଡ୍ ରୋଗୀ । ଏଭଳି ଏକ ଘଟଣା ଘଟିଛି କଟକ ଜିଲ୍ଲା ଟାଙ୍ଗୀ କୋଭିଡ୍ କେୟାର ସେଣ୍ଟରରେ। ଗୁରୁତର ଅବସ୍ଥାରେ ରୋଗୀକୁ ଏବେ କଟକ ଏସସିବି ସର୍ଜରୀ ବିଭାଗକୁ ଅଣାଯାଇଛି । କିଛି ସମୟ ପରେ ଅସ୍ତ୍ରପଚାର କରାଯାଇ ଅଧା ପଶି ରହିଥିବା ଛୁରୀ କଢ଼ାଯିବ ।
ତେବେ କୋଭିଡ୍ ରୋଗୀ ଜଣଙ୍କ ଘର କଟକରେ ଦୁଇ ଦିନ ହେଵ ସେ କୋଭିଡ୍ କେୟାର ସେଣ୍ଟର ଯାଇଥିଲେ । ଘରୁ ଗଲା ବେଳେ ଫଳ କାଟି ଖାଇବା ପାଇଁ ସାଙ୍ଗରେ ଏକ ଛୋଟ ଛୁରୀ ନେଇଥିଲେ ବୋଲି ତାଙ୍କ ଭାଇ କହିଛନ୍ତି । ତେବେ ବୋଧ ହୁଏ ଗୋଟିଏ ପଟେ ଲକଡାଉନ ଯୋଗୁଁ ତାଙ୍କ ମୋବାଇଲ ଦୋକାନ ବନ୍ଦ ଅଛି ଅନ୍ୟପଟେ ସେ ରୋଗାଗ୍ରସ୍ତ ତେଣୁ ମାନସିକ ଚାପରେ ଏଭଳି କରିଥାଇ ପାରନ୍ତି ବୋଲି ଅନୁମାନ କରାଯାଉଛି ।
