କମିଶନରେଟ ପୋଲିସରେ ୩ ଏସିପିଙ୍କ ବଦଳି

ଭୁବନେଶ୍ୱର(ବଡ଼ ଖବର ବ୍ୟୁରୋ): କମିଶନରେଟ ପୁଲିସରେ ଏକ ଛୋଟ ଅଦଳବଦଳ କରାଯାଇଛି । ୩ଜଣ ଏସିପି ଓ ଜଣେ ସବଇନ୍ସପେକ୍ଟରଙ୍କୁ ବଦଳି କରାଯାଇଛି । ଏସିପି ଚନ୍ଦନ ଘଡ଼ୋଇଙ୍କୁ ପୁଲିସ ସେବା ଭବନ ମୁଖ୍ୟାଳୟରୁ ବଦଳି କରାଯାଇଛି । ବର୍ତ୍ତମାନ ତାଙ୍କୁ କଟକ ସହରାଞ୍ଚଳ ଜିଲ୍ଲା ପୋଲିସ ଜୋନ-୪ ଏସିପି ଭାବେ ନିଯୁକ୍ତି ମିଳିଛି । ତେବେ ସେଠାରେ ଏସିପି ଥିବା ସତ୍ୟରଞ୍ଜନ ମଲ୍ଲିକଙ୍କୁ କଟକ ଡିଆଇବିକୁ ପଠାଯାଇଛି ।

ସେହିପରି ପୋଲିସ ସେବା ଭବନ ମୁଖ୍ୟାଳୟରେ କାର୍ଯ୍ୟ କରୁଥିବା ପ୍ରଣିତା ପଟ୍ଟନାୟକଙ୍କୁ କଟକ ୟୁପୁଡିର ଏସିପି(କ୍ରାଇମ)ନିଯୁକ୍ତ କରାଯାଇଛି । ମୁଖ୍ୟାଳୟରେ ଥିବା ସବ୍‌ଇନ୍ସପେକ୍ଟର ଯୁଗଳ ଚନ୍ଦ୍ର ସ୍ୱାଇଁଙ୍କୁ କ୍ୟାପିଟାଲ ଥାନାକୁ ବଦଳି କରାଯାଇଛି ।