ଭୁବନେଶ୍ଵର (ବଡ଼ ଖବର ବ୍ୟୁରୋ): ସାରା ରାଜ୍ୟରେ ସପ୍ତାହାନ୍ତ ସଟଡାଉନ୍ ଯୋଗୁଁ ସମସ୍ତ ଦୋକାନ ବଜାର ବନ୍ଦ ଏବଂ ପ୍ରତି ରବିବାର “ଆହାର କେନ୍ଦ୍ର” ମଧ୍ୟ ବନ୍ଦ। ଯାହା ଫଳରେ ପୁରୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆସୁଥିବା ରୋଗୀ ଏବଂ ତାଙ୍କ ପରିଜନ ଖାଦ୍ୟ ପାଇଁ ଅସୁବିଧା ସମ୍ମୁଖୀନ ହେବା ନଜରରେ ରଖି ହାପିନେସ୍ ଫାଉଣ୍ଡେସନ୍ ପକ୍ଷରୁ ଏକ ଖାଦ୍ୟ ବଣ୍ଟନ କାର୍ୟ୍ୟକ୍ରମ “ଅନ୍ନ ଦାନ ସେବା” କରାଯାଇଥିଲା । ଏଥିରେ ସର୍ବମୋଟ ୩୦୦ ଖାଦ୍ୟ ପ୍ୟାକେଟ ବଣ୍ଟନ କରାଯାଇଥିଲା ।
ପୁରୀ ପୌରପାଳିକା ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ସରୋଜ କୁମାର ସ୍ବାଇଁ, ସ୍ଵତନ୍ତ୍ର ଅଧିକାରୀ ସନ୍ତୋଷ କୁମାର ମହାନ୍ତି, ଖାଦ୍ୟ ନିରାପତ୍ତା ଅଧିକାରୀ ରାଜେସ୍ୱରୀ ପତି ଉପସ୍ଥିତ ରହି ଖାଦ୍ୟ ବଣ୍ଟନ କରାଯାଇଥିଲା । ପ୍ରଦୀପ୍ତ କୁମାର ପ୍ରଧାନ, ପ୍ରତିଷ୍ଠାତା ଏବଂ ସଭାପତିଙ୍କ ସହିତ ଅନ୍ୟ ସମସ୍ତ ସକ୍ରିୟ ସଦସ୍ୟ ସଦସ୍ୟା ଉପସ୍ଥିତ ରହି କାର୍ଯ୍ୟ ସମ୍ପାଦନ କରିଥିଲେ। ପୁରୀ ଯୁବ ସ୍ୱେଚ୍ଛାସେବୀ ବିପିନ ମହାନ୍ତି, ଦେବାଶିଷ ଦାଶ ମଧ୍ୟ ଏଥିରେ ଉପସ୍ଥିତ ଥିଲେ ।
