କିସ୍ କରି ପଦବୀ ହରାଇଲେ ସ୍ୱାସ୍ଥ୍ୟମନ୍ତ୍ରୀ
(ବଡ଼ ଖବର ବ୍ୟୁରୋ): ସ୍ଵାସ୍ଥ୍ୟମନ୍ତ୍ରୀଙ୍କ ନାଁରେ ସାଙ୍ଘାତିକ ଅଭିଯୋଗ । କିସ୍ କରି ପଦବୀ ହରାଇଲେ ସ୍ୱାସ୍ଥ୍ୟମନ୍ତ୍ରୀ । ଏଭଳି ଘଟଣା ଦେଖିବାକୁ ମିଳିଛି ବ୍ରିଟେନରେ । କରୋନା ନିୟମ ଉଲ୍ଲଂଘନ କରି ବ୍ରିଟେନର ସ୍ଵାସ୍ଥ୍ୟମନ୍ତ୍ରୀ ମଟ୍ ହାନକକ୍ ତାଙ୍କର ଜଣେ ଅନ୍ତରଙ୍ଗ ସହକର୍ମୀଙ୍କୁ ଚୁମ୍ବନ ଦେବା ସହ ଆଲିଙ୍ଗନ କରିଥିଲେ । ସେହି ଫଟୋ ଭାଇରାଲ ହେବା ପରେ ହାନକକ୍ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ତାଙ୍କ ସ୍ଥାନରେ ପୂର୍ବତନ ଅର୍ଥମନ୍ତ୍ରୀ ସାଜିଦ ଜାଭିଦ ଦାୟିତ୍ବ ନେବେ ବୋଲି ଜଣାପଡ଼ିଛି ।
ଏହାକୁ ନେଇ ବିରୋଧୀମାନେ ମଟ୍ ହାନକକଙ୍କ ଉପରେ କୋଭିଡ ନିୟମ ଉଲଙ୍ଘନ କରିଥିବା ଅଭିଯୋଗ ଆଣିଥିଲେ । ହାନକକଙ୍କ ଅଫିସର କର୍ମଚାରୀମାନେ ବି ହାନକଳଙ୍କ ଉପରେ ଅଭିଯୋଗ ଆଣିଥିଲେ । ଏହାପରେ ହାନକକ୍ ଏଭଳି ଘଟଣା ପାଇଁ କ୍ଷମା ପ୍ରାର୍ଥନା କରିଥିଲେ ।
ପରେ ହାନକକ୍ ପ୍ରଧାନମନ୍ତ୍ରୀଙ୍କୁ ଚିଠି ଲେଖି କହିଛନ୍ତି କି “ମହାମାରୀ ସମୟରେ ଲୋକମାନେ ଯେଭଳି ତ୍ୟାଗ କରିଛନ୍ତି ତାକୁ ନେଇ ମୁଁ ସେମାନଙ୍କ ପାଖରେ ଋଣୀ, ମୁଁ ନିୟମର ଉଲଙ୍ଘନ କରି ସେମାନଙ୍କୁ ନିରାଶ କରିଛି” । ଅନ୍ୟପଟେ ହାନକକଙ୍କ ଇସ୍ତଫା ପତ୍ର ପାଇବା ପରେ ପ୍ରଧାନମନ୍ତ୍ରୀ ଜନସନ ଦୁଃଖ ପ୍ରକାଶ କରିଛନ୍ତି ।