ରାହୁଲ ଓ ପ୍ରିୟଙ୍କାଙ୍କୁ ଭେଟିବେ ନବଜୋତ ସିଂ, ନିଆଯାଇପାରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ପଞ୍ଜାବ କଂଗ୍ରେସରେ କଳହ । ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ଓ ନବଜୋତ ସିଂ ସିଦ୍ଦୁଙ୍କ ମଧ୍ୟରେ ଚାଲିଥିବା ଶୀତଳ ଯୁଦ୍ଧ ଥମିବାର ନାଁ ନେଉନି । ଉଭୟ ନେତା ପରସ୍ପର ବିରଧରେ ଆରୋପ ପ୍ରତ୍ୟାରୋପ କରୁଥିବା ଦେଖିବାକୁ ମିଳିଛି । ଦୁଇ ନେତାଙ୍କ କଳିକୁ ନେଇ ଏବେ କଂଗ୍ରେସର ଚିନ୍ତା ବଢ଼ିଛି । କାରଣ ରାଜ୍ୟରେ ଆସନ୍ତା ବର୍ଷ ହେବାକୁ ଯାଉଛି ବିଧାନସଭା ନିର୍ବାଚନ । ଏହା ପୂର୍ବରୁ ଘର ସଜଡ଼ା କାର୍ଯ୍ୟ ଆରମ୍ଭ କରିଛନ୍ତି ଦଳର ହାଇକମାଣ୍ଡ ।

କିଛି ଦିନ ତଳେ ପଞ୍ଜାବ କଂଗ୍ରେସ ବିଧାୟକମାନଙ୍କ ଏକ ବୈଠକ ମଧ୍ୟ ବସିଥିଲା । ଏଥିରେ ବି କୌଣସି ନିଷ୍କର୍ଷ ଆସିନି । ତେବେ ଆଜି ପୁଣି ଥରେ ନବଜୋତ ସିଂ ସିଦ୍ଦୁ ଦିଲ୍ଲୀରେ ପହଞ୍ଚିଛନ୍ତି । ଆଜି ସେ ରାହୁଲ ଓ ପ୍ରିୟଙ୍କା ଗାନ୍ଧି ଭଦ୍ରାଙ୍କୁ ଭେଟିପାରନ୍ତି । ଦଳର ଶୀର୍ଷ ନେତାଙ୍କ ସହ ନବଜୋତଙ୍କ ଏହି ବୈଠକ ବହୁ ଗୁରୁତ୍ୱବହନ କରୁଥିବା ମଧ୍ୟ କୁହାଯାଉଛି ।
ଚ