ଟିକା କେନ୍ଦ୍ରରେ ଅସନ୍ତୋଷ

ସତ୍ୟବାଦୀ (ବଡ଼ ଖବର ବ୍ୟୁରୋ): ପୁରୀ ଜିଲ୍ଲା ସତ୍ୟବାଦୀରେ ଟିକା କରଣକୁ ନେଇ ତୀଵ୍ର ଅସନ୍ତୋଷ ଦେଖା ଦେଇଛି।ସତ୍ୟବାଦୀ ବାଳିକା ଉଚ୍ଚ ବିଦ୍ୟାଳୟରେ ଶନିବାର ୪୫ ବର୍ଷରୁ ଉର୍ଦ୍ଧ୍ବଙ୍କ ପାଇଁ ଦ୍ଵିତୀୟ ଟିକା ଡୋଜ ନେବାର ବ୍ୟବସ୍ଥା ହୋଇଥିଲା । କିନ୍ତୁ କୌଣସି ପ୍ରଶାସନିକ ଅଧିକାରୀ ସଠିକ ସମୟରେ ଘଟଣାସ୍ଥଳରେ ଉପସ୍ଥିତ ନଥିବାରୁ ବିଶୃଙ୍ଖଳା ଦେଖା ଦେଇଥିଲା।

୨୦୦ ଡୋଜ ଥିବା ବେଳେ ପାଖାପାଖି ୧୦୦୦ରୁ ଅଧିକ ଲୋକ ଟିକା ନେବାକୁ ରୁଣ୍ଡ ହୋଇଥିଲେ। ଫଳରେ ପରିସ୍ଥିତି ଅଣାୟତ ହୋଇଥିଲା। ଘଟଣା ସ୍ଥଳରେ ସତ୍ୟବାଦୀ ଆଇଆଇସି ପହଞ୍ଚି ଲୋକଙ୍କୁ ବୁଝା ସୁଝା କରିଥିଲେ। କିନ୍ତୁ ପରିସ୍ଥିତିରେ ସୁଧାର ଆସିନଥିଲା । ପରିସ୍ଥିତି ଅଧିକ ଅଣାୟତ ହେବାରୁ ଟିକାକରଣକୁ ବନ୍ଦ କରାଯାଇଥିଲା ।