ପ୍ରଭୁଙ୍କୁ ଦେଖିବାକୁ ଝରିଲା ବର୍ଷା

ପୁରୀ (ବଡ଼ ଖବର ବ୍ୟୁରୋ): ବିଶ୍ୱ ଦେଖିଲା ବିଶ୍ୱନିଅନ୍ତାଙ୍କ ସୁନାବେଶ । ମହଣ ମହଣ ସୁନାରେ ସଜେଇ ହେଲେ ସୁନା ଠାକୁର। କରୋନା କଟକଣା ମଧ୍ୟରେ ସମ୍ପନ୍ନ ହୋଇଛି ମହାପ୍ରଭୁଙ୍କ ସୁନାବେଶ । ପ୍ରତିବର୍ଷ ଲକ୍ଷ ଲକ୍ଷ ଭକ୍ତ ମହାପ୍ରଭୁଙ୍କର ସେହି ଦୁର୍ଲଭ ସୁନାବେଶକୁ ଦେଖିବା ପାଇଁ କାହିଁ କେତେଦୂରରୁ ଧାଇଁଆସନ୍ତି ବଡ଼ ଦାଣ୍ଡକୁ । କିନ୍ତୁ ଚଳିତ ବର୍ଷ ଭକ୍ତ ଓ ଭଗବାନଙ୍କ ମଧ୍ୟରେ ପାଚେରୀ ହୋଇଛି କରୋନା ।

ତେବେ ଏହାରି ଭିତରେ ଆଉ ଏକ ଦୃଶ୍ୟ ଦେଖିବାକୁ ମିଳିଥିଲା । ମହାପ୍ରଭୁଙ୍କ ସୁନାବେଶକୁ ଦେଖିବା ପାଇଁ ସ୍ୱୟଂ ଇନ୍ଦ୍ର ସତେ ଯେମିତି ଓହ୍ଲାଇ ଆସିଥିଲେ ଧରାପୃଷ୍ଠକୁ । ମହାପ୍ରଭୁଙ୍କ ସୁନାବେଶ ଆରମ୍ଭ ହେବା କ୍ଷଣି ବଡ଼ ଦାଣ୍ଡରେ ଆରମ୍ଭ ହୋଇଥିଲା ପ୍ରବଳ ବର୍ଷା । ଲାଗୁଥିଲା ସତେ ଯେମିତି ସ୍ୱୟଂ ଇନ୍ଦ୍ର ମହାପ୍ରଭୁଙ୍କ ଦୁର୍ଲଭ ସୁନାବେଶକୁ ଦେଖିବାକୁ ବଡ଼ଦାଣ୍ଡକୁ ଓହ୍ଲାଇ ଅସିଥିଲେ ।