ରାଉରକେଲା(ବଡ଼ ଖବର ବ୍ୟୁରୋ): ପିଲା ବିକ୍ରି ରାକେଟ୍ ପର୍ଦାଫସ କରିଛି ରାଉରକେଲା ପ୍ଲାଣ୍ଟ ସାଇଟ ପୋଲିସ । ରାଉରକେଲାର ଭଦ୍ରମୁଖା ପିନ୍ଧା କେତେକ ମହିଳା ପିଲା ବିକ୍ରି କରିବା ରାକେଟ୍ ଚଳାଉଥିଲେ । ଏହି ଘୃଣ୍ୟ କାର୍ଯ୍ୟରେ କେତେଜଣ ପୁରୁଷ ମଧ୍ୟ ସାମିଲ ଥିଲେ । ଦାରିଦ୍ର୍ୟତା ସୁଯୋଗ ନେଇ ଲୋକଙ୍କୁ ଅର୍ଥ ଲାଳସା ଦେଖାଇ ସେମାନଙ୍କ ସମ୍ପର୍କୀୟଙ୍କ ପିଲାଙ୍କୁ କିଣି ବକୁଥିଲେ । ଦୁଇଜଣ ମହିଳା ସୀମା ଖୁଣ୍ଟିଆଙ୍କୁ ତିନି ଲକ୍ଷ ଟଙ୍କା ଲୋଭ ଦେଖାଇ ପିଲା ଆଣିବାକୁ କହିଥିଲେ ।
ଲୋଭରେ ସୀମା ନିଜ ନାତୁଣୀକୁ ନେଇ ସେମାନଙ୍କ ଏଜେଣ୍ଟଙ୍କୁ ହସ୍ତାନ୍ତର କରିଥିଲେ । ମାତ୍ର ଟଙ୍କା ନଦେଇ ଉକ୍ତ ମହିଳାମାନେ ପିଲାକୁ ନେଇ ପଳାଇଥିଲେ । ପରେ ସୀମା ଖୁଣ୍ଟିଆ ପ୍ଲାଣ୍ଟସାଇଟ ଥାନାରେ ଖବର ଦେବାପରେ ପୋଲିସ ପାଞ୍ଚ ଜଣ ମହିଳାଙ୍କ ସମେତ ସାତ ଜଣଙ୍କୁ ଗିରଫ କରିଛି । ଏହି ପିଲା ବିକ୍ରି ରାକେଟରେ ଦୁଇଜଣ ପୁରୁଷ ମଧ୍ୟ ସାମିଲ ଥିଲେ ।
