ବଦଳିଲା ରାଜୀବ ଗାନ୍ଧି ଖେଳରତ୍ନ ପୁରସ୍କାର ନାମ

(ବଡ଼ ଖବର ବ୍ୟୁରୋ): କେନ୍ଦ୍ର ସରକାର ରାଜୀବ ଗାନ୍ଧି ଖେଳ ରତ୍ନ ପୁରସ୍କାର ନାମ ପରିବର୍ତ୍ତନ କରିଛନ୍ତି । ହକିର ଯାଦୁଗର କୁହାଯାଉଥିବା ମେଜର ଧ୍ୟାନଚାନ୍ଦଙ୍କ ନାମରେ ସରକାର ଏହାର ନାମ ରଖିଛନ୍ତି । ପ୍ରଧାନମନ୍ତ୍ରୀ ଶୁକ୍ରବାର ଟୁଇଟ୍ କରି ଏହି ସୂଚନା ଦେଇଛନ୍ତି ।
ପ୍ରଧାନମନ୍ତ୍ରୀ ଟୁଇଟରେ ଲେଖିଛନ୍ତି “ଦେଶକୁ ଗର୍ବିତ କରିଥିବା ଦୁହୂର୍ତ୍ତ ମଧ୍ୟରେ ଅନେକ ଦେଶବାସୀଙ୍କ ଅନୁରୋଧ ମଧ୍ୟ ସାମ୍ନାକୁ ଆସିଛି ଯେ, ଖେଳରତ୍ନ ପୁରସ୍କାର ନାମ ମେଜର ଧ୍ୟାନଚ।ନ୍ଦଙ୍କ ନାମରେ ଉତ୍ସର୍ଗ କରାଯିବ ଉଚିତ । ଲୋକଙ୍କ ଭାବନାକୁ ବିଚାରକୁ ନେଇ ସରକାର ଏହି ନିଷ୍ପତ୍ତି ନେଇଛନ୍ତି ।

ହକିର ଯାଦୁଗର କୁହାଯାଉଥିବା ମେଜର ଧ୍ୟାନଚାନ୍ଦ ହକିରେ ଅବିଶ୍ୱନୀୟ ଅବଦାନ ରଖିଛନ୍ତି । ସେ ତାଙ୍କର ଶେଷ ଅଲିମ୍ପିକ୍ସରେ (ବର୍ଳିନ ୧୯୩୬) ମୋଟ ୧୩ ଗୋଲ ସ୍କୋର କରିଥିଲେ । ସେହିପରି ଧ୍ୟାନ ଚାନ୍ଦ ଆମଷ୍ଟରଡାମ, ଲସ୍ ଆଞ୍ଜେଲସ୍ ଏବଂ ବର୍ଲିନ ଅଲିମ୍ପିକ୍ସରେ ମୋଟ ୩୯ଟି ଗୋଲ ସ୍କୋର କରିଥିଲେ । ଯାହା ତାଙ୍କର ଉକ୍ରୃଷ୍ଟ ପ୍ରଦର୍ଶନକୁ ଦର୍ଶାଉଛି ।