ସିଙ୍ଗଲ ଡୋଜ ଟିକାର ମଂଜୁରୀ ପାଇଁ ଆବେଦନ କଲା ଜନସନ ଆଣ୍ଡ ଜନସନ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶରେ ଚାଲୁ ରହିଛି ଟିକାକରଣ ବ୍ୟବସ୍ଥା । କରୋନାର ଡବଲ ଡୋଜ ଟିକା ସମସ୍ତେ ନେଉଥିବାବେଳେ ଏବେ ସିଙ୍ଗଲ ଡୋଜ ଟିକାର ମଂଜୁରୀ ପାଇଁ ଆବେଦନ କଲା ଜନସନ ଆଣ୍ଡ ଜନସନ । ଭାରତୀୟ କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂସ୍ଥା ନିକଟରେ କଲା ଆବେଦନ । ଆମେରିକାର ୧୩୪ବର୍ଷ ପୁରୁଣା ଏହି କମ୍ପାନୀ ଭାରତୀୟ କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂସ୍ଥା ନିକଟରେ ଆବେଦନ କରିଛି ।

ପୂର୍ବରୁ କମ୍ପାନୀ ଏହାର ସିଙ୍ଗଲ ଡୋଜ ଟିକାର ଟ୍ରାଏଲ ପାଇଁ ଅନୁମତି ମାଗିଥିଲା । ଏହି କରୋନା ବିରୋଧରେ ୮୫ପ୍ରତିଶତ ଅଧିକ ଫଳପ୍ରଦ ହେବା ବୋଲି କମ୍ପାନୀ ଦାବି କରିଛି । ଏହି ଟିକାକୁ ବାୟୋଲୋଜିକାଲ-ଇ -ଲିମିଟେଡର ସହଯୋଗରେ ଜନସନ ଏହି ଟିକାକୁ ବଜାରକୁ ଛାଡିବ । ଯଦି ଏହି ଟିକାର ବ୍ୟବହାରକୁ ଅନୁମତି ମିଳିଲେ, ମଡେନା ପରେ ଜନସନ ହେବ ଦ୍ୱିତୀୟ ଆମେରିକୀୟ ଟିକା ।