ପାର୍ବଣ ଋତୁ ପାଇଁ ନୂଆ ଗାଇଡଲାଇନ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପାର୍ବଣ ଋତୁ ପାଇଁ ରାଜ୍ୟ ସରକାରଙ୍କ ନୂଆ ଗାଇଡଲାଇନ୍ । ପାରମ୍ପରିକ ରୀତିନୀତି ଅନୁଯାୟୀ ପୂଜା ହେବ କିନ୍ତୁ ମଣ୍ଡପକୁ ଆସିବେନି ଶ୍ରଦ୍ଧାଳୁ । ବିଭିନ୍ନ ମଣ୍ଡପରେ ସରକାରଙ୍କ ଅନୁମତି ନେଇ ପୂଜା କରିପାରିବେ । ପୂଜା ପେଣ୍ଡାଲର ୩ପାଖ ଆବଦ୍ଧ ରହିବ । ମଣ୍ଡପରେ ପୂଜକ, ଆୟାଜକ ଓ କର୍ତ୍ତାଙ୍କୁ ମିଶାଇ ୭ରୁ ଅଧିକ ଲୋକ ରହିପାରିବେନି । ପୂଜା ମଣ୍ଡପରେ ସାଂସ୍କୃତିକ କାର୍ଯ୍ୟକ୍ରମକୁ ବାରଣ କରାଯାଇଛି ।

ମଣ୍ଡପରେ ମୂର୍ତ୍ତିର ଉଚ୍ଚତା ୪ଫୁଟ୍ରୁ କମ୍ ରହିବ । ବିସର୍ଜନ ଶୋଭାଯାତ୍ରା ମଧ୍ୟ ହୋଇପାରିବନି । ପୂଜା ପାର୍ବଣରେ ଭୋଜିଭାତ ମନା । ଜାରି ହୋଇଥିବା କଟକଣା ଉଲଂଘନ କଲେ ନିଆଯିବ ଦୃଢ କାର୍ଯ୍ୟାନୁଷ୍ଠାନ । କେବଳ ପରମ୍ପରା ରକ୍ଷା ପାଇଁ ନିରାଡମ୍ବର ଭାବେ ପୂଜା କରାଯିବ । ଏନେଇ ଏସଆରସିଙ୍କ ପକ୍ଷରୁ ଜାରି ହୋଇଛି ଗାଇଡଲାଇନ୍ । ସେହିପରି ସ୍କୁଲରେ ମଧ୍ୟ କମ୍ ପିଲାରେ ଗଣେଶ ପୂଜା ଆୟାଜନ ହେବ । ସମସ୍ତ କୋଭିଡ ନିୟମ ମାନି ହେବ ଗଣେଷ ପୂଜା ।