କୋଲକାତା(ବଡ଼ ଖବର ବ୍ୟୁରୋ): ପଶ୍ଚିମବଙ୍ଗ ନିର୍ବାଚନ ପରବର୍ତ୍ତୀ ହିଂସାକୁ ନେଇ ରାୟ ଦେଇଛନ୍ତି କୋଲକାତା ହାଇକୋର୍ଟ । ମାମଲାର ଶୁଣାଣି କରି ହାଇକୋର୍ଟ ଏହି ମାମଲାର ସିବିଆଇ ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି । ହତ୍ୟା, ଦୁଷ୍କର୍ମ ଓ ଅସ୍ୱାଭାବିକ ମୃତ୍ୟୁ ଭଳି ଗୁରୁତର ଅପରାଧ ଘଟାଇଥିବା ମାମଲାର ସିବିଆଇ ତଦନ୍ତ କରିବ ।
ଏହି ଘଯଣାକୁ ବାଦ ଦେଇ ଅନ୍ୟ ହିଂସାକାଣ୍ଡକୁ ମଧ୍ୟ ଏସଆଇଟିର ୩ଜଣିଆ ଟିମ ଯାଞ୍ଚ କରିବ । ଯେଉଁ ଟିମରେ କୋଲକାତା ପୋଲିସ କମିଶନର ସୌମେନ ମିତ୍ର ଓ ରାଜ୍ୟ ପୋଲିସ ନିର୍ଦ୍ଦେଶକ ସୁମନ ବାଲା ସାହୁ ରହିଛନ୍ତି । ଗୁରୁବାର କୋଲକାତା ହାଇକୋର୍ଟର ୫ଜଣିଆ ଖଣ୍ଡପୀଠ ଏହାର ଶୁଣାଣୀ କରିଥିଲେ ।
ତେବେ ମତଦାନ ପରେ ହୋଇଥିବା ହିଂସାକାଣ୍ଡରେ ପିଡ଼ୀତ ମାନଙ୍କୁ ତୁରନ୍ତ କ୍ଷତିପୂରଣ ଦେବାକୁ ମଧ୍ୟ ରାଜ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ତେବେ ଆସନ୍ତା ୬ ସପ୍ତାହ ମଧ୍ୟରେ ସିବିଆଇ ଓ ଏସଆଇଟି ଟିମ ହିଂସାର ତଦନ୍ତ କରି ରିପୋର୍ଟ ଦାଖଲ କରିବେ ବୋଲି ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ରିପୋର୍ଟ ଦାଖଲ ହେବା ପରେ ଅକ୍ଟୋବର ୨୪ରେ ହାଇକୋର୍ଟର ଏକ ଅଲଗା ବେଞ୍ଚ ମାମଲାର ପରବର୍ତ୍ତୀ ଶୁଣାଣି କରିବେ ।
