ବାୟୁରେ ଉଡ଼ିଲା ମାଂସ ପିଣ୍ଡୁଳା

ଭୁବନେଶ୍ୱର(ବଡ଼ ଖବର ବ୍ୟୁରୋ): କାବୁଲ ବିମାନବନ୍ଦରରେ ଆତଙ୍କବାଦୀଙ୍କ ବିସ୍ଫୋରଣରେ ୧୦୩ ଜଣଙ୍କ ମୃତ୍ୟୁ ହୋଇ ସାରିଛି । ଦେଶ ଛାଡ଼ିବା ଆଶାରେ ଲୋକମାନେ ବିମାନବନ୍ଦରରେ ଭିଡ଼ ଜମାଉଛନ୍ତି । ତେବେ ନାଗରିକ ଚାଲିଗଲେ ତାଲିବାନ ଶାସନ କାହାକୁ କରିବ ବୋଲି କହି ଦେଶ ଛାଡ଼ିବା ଉପରେ ଅଙ୍କୁଶ ଲଗାଇଛି । ଯେଉଁଥିପାଇଁ ବିମାନବନ୍ଦରରରେ ବିସ୍ଫୋରଣ କରିଛି । ଏହି ବିସ୍ଫୋରଣର ଫଳାଫଳ ଏତେ ଭୟଙ୍କର ହୋଇଛି ଯେଉଁମାନେ ଅନୁଭବ କରିଛନ୍ତି ସେହିମାନେ ହିଁ ଜାଣିଛନ୍ତି । ତେବେ ବିସ୍ଫୋରଣ ସମୟରେ ଜଣେ ପ୍ରତ୍ୟକ୍ଷଦର୍ଶୀ କହିଛନ୍ତି ଯେ, ବିସ୍ଫୋରଣରେ ଲୋକଙ୍କ ମାଂସ ପିଣ୍ଡୁଳା ଉଡ଼ୁଥିବାର ସେ ଦେଖିଛନ୍ତି । ଲୋକଙ୍କ ଶରୀରର କିଛି ଅଂଶ ମଧ୍ୟ ପବନରେ ଉଡ଼ୁଥିବାର ସେ ଦେଖିଛନ୍ତି ।

ଆନ୍ତର୍ଜାତୀୟ ବିକାଶ ଗୋଷ୍ଠୀର ଜଣେ ପୂର୍ବତନ କର୍ମଚାରୀ ଏହି ବିସ୍ଫୋରଣକୁ ଅତି ନିକଟରୁ ଦେଖିଥିଲେ । ଆଉ ବଖାଣିଥିଲେ ଛାତିଥରା ଦୃଶ୍ୟ । ଏହି ବ୍ୟକ୍ତିଙ୍କ ପାଖରେ ଆମେରିକାର ଭିସା ଅଛି ଏବଂ ବିମାନରେ ଯାଇ ଦେଶ ଛାଡିବାକୁ ହଜାର ହଜାର ଲୋକଙ୍କ ସହ ଲାଇନରେ ଥିଲେ । ପ୍ରାୟ ୧୦ ଘଣ୍ଟା ଧରି ଲାଇନରେ ଛିଡା ହୋଇଥିଲେ । ଅପରାହ୍ନ ୫ଟାରେ ହଠାତ୍ ଜୋରରେ ଶବ୍ଦ ଶୁଭିଥିଲା । ସେ କହିଛନ୍ତି “ସତେ ଯେପରି ମୋ ପାଦ ତଳୁ ଖସିଯାଇଥିଲା କି ମାଟି । କିଛି କ୍ଷଣ ପାଇଁ ମୁଁ ଅନୁଭବ କଲି ଯେ ମୋର କାନ ଫାଟି ଯାଇଛି । ମୋତେ ଆଉ କିଛି ଶୁଭୁନାହିଁ । “ମୁଁ ଦେଖିଲି କିଛି ଲୋକଙ୍କ ଶରୀରର ମାଂସ ପିଣ୍ଡୁଳା ବାୟୁରେ ଉଡୁଛି । ଦେଖାଯାଉଥିଲା ଯେ ଘୂର୍ଣ୍ଣିବଳୟ ଭଳି ପ୍ଲାଷ୍ଟିକ ବ୍ୟାଗ ବି ଉଡିଥିଲା । ମୁଁ ଶବ, ଶରୀରର ଅଙ୍ଗ, ବୃଦ୍ଧ, ଆହତ ପୁରୁଷ, ମହିଳା ଏବଂ ବିସ୍ଫୋରଣରେ ଗୁରୁତର ପିଲାଙ୍କୁ ପଡିଥିବାର ଦେଖିଥିଲି । ସେ କୁହନ୍ତି, ଏହି ଜୀବନରେ ବିନାଶ ଦେଖିବା ସମ୍ଭବ ନୁହେଁ । କିନ୍ତୁ ଆଜି ମୁଁ ବିନାଶ ଦେଖିଲି, ମୁଁ ଏହାକୁ ନିଜ ଆଖିରେ ଦେଖିଲି ।