ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଫଗାନିସ୍ତାନରେ ରହୁଥିବା ୨୫ ଭାରତୀୟ ନାଗରିକ ଏନଆଇଏ ରାଡାରରେ ଥିବାର ଖବର ସାମ୍ନାକୁ ଆସିଛି । ମିଳିଥିବା ଖବର ଅନୁଯାୟୀ ଏ ସମସ୍ତ ଭାରତୀୟ ଆତଙ୍କସଙ୍ଗଠନ ଆଇଏସଆଇ ସହ ଜଡିତ ଅଛନ୍ତି । କେବଳ ଏତିକି ନୁହେଁ ବରଂ ଏମାନଙ୍କ ମଧ୍ୟରୁ କିଛି ଲୋକମାନଙ୍କର ମୃତ୍ୟୁ ହୋଇଥିବାର ସୂଚନା ମଧ୍ୟ ମିଳିଛି । ତେବେ ଏ ସମସ୍ତ ଆତଙ୍କବାଦୀ ଆଫଗାନିସ୍ତାନ ଓ ପାକିସ୍ତାନ ମଧ୍ୟରେ ଥିବା ସୀମାବର୍ତ୍ତୀ ଅଞ୍ଚଳ ନଂଗରହାର ନିକଟରେ ରହୁଛନ୍ତି । ଅପରିପକ୍ଷେ ଯାଞ୍ଚ ଏଜେନ୍ସି ଏନଆଇଏ ନିକଟରେ ମୁନସିବି ନାମକ ଜଣେ ବ୍ୟକ୍ତିଙ୍କୁ ଚିହ୍ନଟ କରିଥିଲା ।
ତେବେ ସମ୍ପୃକ୍ତ ବ୍ୟକ୍ତି ଜଣଙ୍କ ସୋସିଆଲ ମିଡିଆରେ ବହୁତ ସକ୍ରିୟ ରହୁଥିବାର କଥା ଏନଆଇ ପକ୍ଷରୁ ସ୍ପଷ୍ଟ କରାଯାଇଛି । ଅନ୍ୟପଟେ ଆଫଗାନିସ୍ତାନ ଉପରେ ତାଲିବାନର କବଜା ପରେ ଜେଲରେ ଥିବା ସମସ୍ତ କଏଦୀଙ୍କୁ ମୁକ୍ତ କରିଦିଆଯାଇଥିଲା । ମୁକ୍ତ ହୋଇଥିବା ଲୋକଙ୍କ ମଧ୍ୟରୁ ଆଇଏସକେପି ଆତଙ୍କବାଦୀ ସଙ୍ଗଠନର ଆତଙ୍କବାଦୀ ଏବଂ ଭାରତୀୟ ମଧ୍ୟ ରହିଥିବାର ସୂଚନା ମିଳିଛି । ଏହା ସହ ଆତଙ୍କବାଦୀ ସଙ୍ଗଠନ ଜୈଶ-ଇ-ମହମ୍ମଦ ତାଲିବାନ ସହ ନିକଟତର ହେଉଥିବାର କଥା ମଧ୍ୟ ଏନଆଇଏ ପକ୍ଷରୁ କୁହାଯାଇଛି । ଯାହାଫଳରେ ପାକିସ୍ତାନ ଭାରତ ପାଇଁ ଷଡ଼ଯନ୍ତ୍ର ରଚୁଥିବାର ଅନୁମାନ କରାଯାଉଛି । ତେବେ ୨୫ ମାର୍ଚ୍ଚ ୨୦୨୦ରେ ଆଫଗାନିସ୍ତାନର କାବୁଲର ଗୁରୁଦ୍ୱାର ଉପରେ ଏକ ବଡ଼ ଆତଙ୍କବାଦୀ ଆକ୍ରମଣ ହୋଇଥିଲା । ଏଥିରେ ଭାରତୀୟ ନାଗରିକଙ୍କ ସମେତ ୨୭ ଜଣଙ୍କର ମୃତ୍ୟୁ ଘଟିଥିଲା ।
ସେତେବେଳେ ପ୍ରଥମେ ଆତଙ୍କବାଦୀ ସଙ୍ଗଠନ ଉପରେ ଓଝକଚ ତଦନ୍ତ ଦାୟିତ୍ୱ ନେଇଥିଲା । ଏହାପରେ ଏହି ମାମଲା ଏନଆଇଏକୁ ହସ୍ତାନ୍ତର କରାଯାଇଥିଲା । ଆଉ ଅନୁସନ୍ଧାନରୁ ଜଣାପଡିଥିଲା ଯେ ଆତଙ୍କବାଦୀମାନେ ଗୁରୁଦ୍ୱାରରେ ପ୍ରବେଶ କରି ଲୋକଙ୍କ ଉପରେ ଗୁଳି ଚଳାଇଥିଲେ । ଏହି ଆକ୍ରମଣରେ କେରଳର ବାସିନ୍ଦା ମୁହସିନ ସମ୍ପୃକ୍ତ ଥିବାର ଏନଆଇଏ ଅନୁମାନ କରୁଛି । ଏହା ସହ ଏହି ଅନୁସନ୍ଧାନ ପରେ ଆଫଗାନିସ୍ତାନରେ ରହୁଥିବା ଆଉ କିଛି ଭାରତୀୟ ଆତଙ୍କବାଦୀଙ୍କ ସହ ଜଡ଼ିତ ଥିବାର ସନ୍ଦେହ କରାଯାଉଛି ।
