କଏଦୀଙ୍କ ଝୁଲନ୍ତା ମୃତଦେହ ଉଦ୍ଧାର

ବୌଦ୍ଧ(ବଡ଼ ଖବର ବ୍ୟୁରୋ): କଏଦୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି । ବୌଦ୍ଧ ସ୍ୱତନ୍ତ୍ର ଉପ-କାରାଗାର ଶୌଚାଳୟରୁ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଛି । ରାତି ଖାଇବା ପରେ ଶୌଚାଳୟ ଯାଇ ଆଉ ଫେରିନଥିଲେ କଏଦୀ । କିଛି ସମୟ ପରେ ଗାମୁଛାରେ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି ।

ମୃତ କଏଦୀ ଜଣଙ୍କ ହେଲେ ଜମଘାଟି ଗାଁର ରବୀନ୍ଦ୍ର ମେହେର । ରବୀନ୍ଦ୍ର ୨୦୧୫ରେ ପରିବାରର ୨ଜଣଙ୍କୁ ହତ୍ୟା କରି ଆଜୀବନ ସଜା କାଟୁଥିଲେ । ୨୦୧୭ରୁ ରବୀନ୍ଦ୍ରଙ୍କର ମାନସିକ ରୋଗ ପାଇଁ ଚିକିତ୍ସା ମଧ୍ୟ ଚାଲିଥିଲା ।