ଭୁବନେଶ୍ୱର(ବଡ଼ଖବର ବ୍ୟୁରୋ): ଆମେରିକାର ସୈନ୍ୟମାନଙ୍କୁ ଆଫଗାନିସ୍ତାନରୁ ପ୍ରତ୍ୟାହାର କଲା ପରେ ତାଲିବାନ ଆଫଗାନିସ୍ତାନକୁ କବଜା କରିନେଇଛି । ଏହି ପରିପ୍ରେକ୍ଷୀରେ ତାଲିବାନୀମାନେ ଉତ୍ସବ ମନାଉଥିବା ବେଳେ ସାରା ବିଶ୍ୱ ତାଙ୍କର କୃରତାକୁ ଦେଖୁଛି । ଏପରିସ୍ଥିତିରେ ତାଲିବାନୀ ନେତାମାନେ ବଡ ବୟାନ ଦେଇଛନ୍ତି । ତେବେ ଏହି ବିଜୟ ଇସଲାମ ଗୋଷ୍ଠୀକୁ ୨୦୦୧ ମସିହା ତୁଳନାରେ ଅଧିକ ଶକ୍ତିଶାଳୀ କରିଛି ।
ଖୁବଶୀଘ୍ର ଏକ ନୂତନ ଅନ୍ତର୍ଭୂକ୍ତ ସରକାର ଗଠନ ପାଇଁ ପ୍ରସ୍ତୁତି ଆରମ୍ଭ କରାଯାଉଛି ବୋଲି ତାଲିବାନ ନେତାମାନେ କହିଛନ୍ତି । କେବଳ ଏତିକି ନୁହେଁ ବରଂ ତାଲିବାନୀ ନେତାମାନେ ଭାରତକୁ ନେଇ ମଧ୍ୟ ବୟାନ ଦେଇଛନ୍ତି । ତାଲିବାନର ବରିଷ୍ଠ ନେତା ଅନାସ ହକ୍କାନୀ ଭାରତ, କାଶ୍ମୀର ଓ ପାକିସ୍ତାନ ପ୍ରସଙ୍ଗରେ ଦୀର୍ଘ ସମୟଧରି କହିଥିଲେ । ତେବେ କାଶ୍ମୀର ଆମର ଅଧିକାରର ଅଂଶ ନୁହେଁ ଏବଂ ଏହାର ହସ୍ତକ୍ଷେପ କରିବା ନୀତି ବିରୁଦ୍ଧ ଅଟେ ।
ଆମର ନୀତି ଅନୁଯାୟୀ, ଆମେ ଅନ୍ୟ ଦେଶର କାର୍ଯ୍ୟରେ ହସ୍ତକ୍ଷେପ କରୁନାହିଁ । ଏହା ସହ ଆମେ ଆଶା କରୁଛୁ ଯେ ଅନ୍ୟମାନେ ମଧ୍ୟ ଆମ କାର୍ଯ୍ୟରେ ହସ୍ତକ୍ଷେପ କରିବେ ନାହିଁ । ତାଲିବାନ ସବୁବେଳେ ସମସ୍ୟାର ସମାଧାନ ଚାହେଁ ବୋଲି ହକ୍କାନୀ କହିଛନ୍ତି । ଅପରପକ୍ଷେ ଭାରତ ସହ ଭଲ ସମ୍ପର୍କ ରଖିବା ପାଇଁ ତାଲିବାନ ସବୁବେଳେ ଚେଷ୍ଟା କରୁଛି । ଏବଂ ଆମେ ସବୁବେଳେ ଚାହୁଁଛୁ ଯେ କେହି ଆମ ବିଷୟରେ ଭୁଲ ନଭାବନ୍ତୁ । ଏହା ସହ ଦୀର୍ଘ ୨୦ ବର୍ଷ ଧରି ଭାରତ ଆମର ଶତ୍ରୁ ଆଫଗାନିସ୍ତାନକୁ ସାହାଯ୍ୟ କରିଆସୁଥିଲା । କିନ୍ତୁ ଆମେ ସବୁକିଛି ଭୁଲିଯାଇ ଭାରତ ସହ ଭଲ ସମ୍ପର୍କ ସ୍ଥାପନ କରିବା ପାଇଁ ପ୍ରସ୍ତୁତ ଅଛୁ ବୋଲି ହକ୍କାନୀ କହିଛନ୍ତି ।
