ପୁଲିସ ଯୁଆଡି ମୁହାଁମୁହିଁ

ମୟୂରଭଞ୍ଜ (ବଡ଼ ଖବର): ପୁଲିସ ଯୁଆଡି ମୁହାଁମୁହିଁ । ଲାଠି ବନାମ ପଥର । ଯୁଆଡିଙ୍କ ଅତର୍କିତ ପଥର ମାଡରେ ପୁଲିସ କର୍ମଚାରୀ ଆହତ । ମୟୂରଭଞ୍ଜ ଜିଲ୍ଲା ଯଶିପୁର ଥାନା ଅନ୍ତର୍ଗତ କାଉଁରିପୋଷି ଅଞ୍ଚଳରେ ଘଟିଛି ଏଭଳି ଘଟଣା । ଆହତ ପୁଲିସମାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ୯ ଯୁଆଡିଙ୍କୁ ପୁଲିସ ଗିରଫ କରି କୋର୍ଟ ଚାଲାଣ କରିଛି । ଆଡ୍ଡାରୁ ଯୁଆ ସାମଗ୍ରୀ, ୨ହଜାର ଟଙ୍କା ସହ ୩ଟି ମୋବାଇଲ ଜବତ କରାଯାଇଛି । ଫୁଲବଲ ଟୁଣ୍ଟାମେଣ୍ଟ ଚାଲିଥିବା ବେଳେ ସାଇଡରେ ଚାଲିଥିଲା ଯୁଆଖେଳ । ପୁଲିସ ଖବର ପାଇ ଘଟଣାସ୍ଥଳରେ ପହଁଞ୍ଚିଥିଲା । ପୁଲିସକୁ ଦେଖିବା ପରେ ଯୁଆଡିମାନେ ଢ଼େଲା ପଥର ମାଡ କରିଥିଲେ । ଘଟଣାସ୍ଥଳରୁ ଖସି ପଳାଉଥିବା ବେଳେ ୪ଜଣଙ୍କୁ ଗିରଫ କରିଥିବା ବେଳେ ତଦନ୍ତ କରି ଆଉ ୫ଜଣଙ୍କୁ ଗିରଫ କରିଛି ପୁଲିସ । ଅନ୍ୟମାନଙ୍କୁ ଧରିବା ଲାଗି ପୁଳିସ ଉଦ୍ୟମ ଜାରି ରଖିଛି ।