ପାକ ବିରୋଧୀ ଆନ୍ଦୋଳନର ରିପୋର୍ଟିିଂ କରି ଗିରଫ ହେଲେ ସାମ୍ବାଦିକ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ତାଲିବାନର କ୍ରୁରତା ଦିନକୁ ଦିନ ବଢିବାରେ ଲାଗିଛି । ବିଶ୍ୱବାସୀ କେବଳ ତାଲିବାନର ଆତଙ୍କ ଦେଖିବା ଛଡା କିଛି କରିପାରୁ ନାହିଁ । ଏହା ମଧ୍ୟରେ ପାକିସ୍ତାନ ବିରୋଧରେ ଆନ୍ଦୋଳନ କରୁଥିବା ଆନ୍ଦୋଳନକାରୀଙ୍କ ଉପରେ ଗୁଳିଚଳାଇ ଥିଲା ତାଲିବାନ ।

କେବଳ ଏତିକି ନୁହେଁ ବରଂ ଏ ଘଟଣାର ରିପୋର୍ଟିି କରୁଥିବା ସାମ୍ବାଦିକଙ୍କୁ ଗିରଫ କରିଥିବାର ମଧ୍ୟ ସୂଚନା ମିଳିଛି । ଗିରଫ ହୋଇଥିବା ବ୍ୟକ୍ତିଙ୍କ ମଧ୍ୟରେ ଟୋଲୋ ଓ ଆରିଆନା ନ୍ୟୁଜର ସାମ୍ବାଦିକ ଏବଂ କ୍ୟାମେରାମ୍ୟାନ ରହିଛନ୍ତି । ତେବେ ଆନ୍ଦୋଳନର ରିପୋର୍ଟିଂ କରୁଥିବା ବେଳେ କ୍ୟାମେରାମ୍ୟାନ ୱାହୀଦ ଅହମାନୀଙ୍କୁ ତାଲିବାନର ସଦସ୍ୟମାନେ ଗିରଫ କରିଛନ୍ତି ବୋଲି ଟୋଲୋ ନ୍ୟୁଜ ପକ୍ଷରୁ କୁହାଯାଇଛି ।