ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କରୋନା ସଂକ୍ରମଣ କମୁନଥିବା ବେଳେ ଟିକାକରଣରେ ଲଗାତାର ରେକର୍ଡ ସୃଷ୍ଟି କରିଛି ଭାରତ। ୭୦ କୋଟି ଟପିଲା ଟିକାକରଣ । ତେବେ କରୋନା ସହ ଲଢିବା ପାଇଁ ଟିକାକୁ ଅସ୍ତ୍ର ଭାବେ ବ୍ୟବହାର କରାଯାଉଛି । ବିଶ୍ୱରେ ଦୁଇଟି ନୂଆ ପ୍ରଜାତିର କରୋନା ଭୁତାଣୁ ଚିହ୍ନଟ ହୋଇଥିବା ବେଳେ ସଂକ୍ରମଣ ବଢିବା ସମ୍ଭାବନା ରହିଛି । ଏହା ମଧ୍ୟରେ ଟିକାକୁ ନେଇ ଆସିଛି ଖୁସି ଖବର ଗତ ୧୩ ଦିନରେ ଦିଆଯାଇଛି ୧୦ କୋଟି ଡୋଜ୍ ।
ଶେଷ ୩ ଦିନ ହେଲା ଲଗାତାର ଭାବେ ପ୍ରତ୍ୟକ ଦିନ କୋଟିଏରୁ ଅଧିକ ଲୋକଙ୍କୁ ଟିକା ଦିଆଯାଇଛି । ପ୍ରଥମ ୧୦ କୋଟି ଡୋଜ୍ ଦେବାକୁ ୮୫ ଦିନ ସମୟ ଲାଗିଥିଲା । ୧୦ରୁ ୨୦ କୋଟି ଅର୍ଥାତ ଦ୍ୱିତୀୟ ୧୦ କେଟି ଡୋଜ୍ ପାଇଁ ୪୫ ଦିନ ସମୟ ଲାଗିଥିଲା । ତୃତୀୟ ୧୦ କୋଟି ଡୋଜ୍ ପାଇଁ ୨୪ ଦିନ, ଚତୁର୍ଥ ୧୦ କୋଟି ଡୋଜ୍ ପାଇଁ ୨୦ ଦିନ, ପଂଚମ ୧୦ କୋଟି ଡୋଜ୍ ପାଇଁ ୧୯ ଦିନ ଲାଗିଥିଲା । କିନ୍ତୁ ୬୦ ରୁ ୭୦ କୋଟି ଡୋଜ୍ ଦେବା ପାଇଁ ମାତ୍ର ୧୩ ଦିନ ସମୟ ଲାଗିଛି ।
