Before Header

‘ସମସ୍ତଙ୍କ ମନରେ ପୁଣି ମାନବିକତା ଜାଗି ଉଠିବ’

0 35

କୋଲକାତା (ବଡ଼ ଖବର ବ୍ୟୁରୋ):ଗତ ଅଢେଇ ମାସ ଧରି ଦେଶର ଉତ୍ତର-ପୂର୍ବ ରାଜ୍ୟ ମଣିପୁର ହିଂସାରେ ଜଳୁଛି । ମିଳିତ ବିରୋଧୀ ମେଣ୍ଟ ଇଣ୍ଡିଆର ୨୧ ଜଣିଆ ସାଂସଦ ପ୍ରତିନିଧି ଦଳ ମଣିପୁର ଗସ୍ତ କରି ଫେରିଛନ୍ତି । ମଣିପୁର ସ୍ଥିତି ସମୀକ୍ଷା ପରେ ରାଜ୍ୟପାଳଙ୍କୁ ଭେଟିବା ସହ ଏକ ସ୍ମାରକପତ୍ର ଦେଇଛନ୍ତି । ରାଜ୍ୟରେ ଶାନ୍ତି ଏବଂ ସଦଭାବ ଫେରାଇ ଆଣିବା ପାଇଁ ଫଳପ୍ରଦ ପଦକ୍ଷେପ ଗ୍ରହଣ କରିବାକୁ ବିରୋଧୀ ସାଂସଦ ରାଜ୍ୟପାଳଙ୍କୁ ଅନୁରୋଧ କରିଛନ୍ତି ।

ମଣିପୁର ହିଂସାକୁ ନେଇ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ମଣିପୁରବାସୀଙ୍କୁ ଶାନ୍ତି ବଜାୟ ରଖିବାକୁ ନିବେଦନ କରିଛନ୍ତି। ସେ ମଣିପୁରର ଲୋକଙ୍କ ସହ ଅଛନ୍ତିି ବୋଲି କହିଛନ୍ତି । ମମତା ଟ୍ୱିଟ୍ କରି କହିଛନ୍ତି, ମଣିପୁରରୁ ହୃଦୟ ବିଦାରକ କାହାଣୀକୁ ନେଇ ମୁଁ ଅତ୍ୟନ୍ତ ଦୁଃଖି । ସେ ଆହୁରି ମଧ୍ୟ କହିଛନ୍ତି କ୍ଷମତାରେ ଥିବା ଲୋକଙ୍କ ନୀରବତାକୁ ଦୃଷ୍ଟିରେ ରଖି ଆମେ ଜାଣିବା ଉଚିତ୍ ଯେ ‘ଇଣ୍ଡିଆ’ କ୍ଷତ ସ୍ଥାନକୁ ଭରି ଦେବ ଏବଂ ପୁଣି ସମସ୍ତଙ୍କ ମନରେ ମାନବିକତା ଜଗାଇବ ।

Leave A Reply

Your email address will not be published.