ଛାତ୍ର କଂଗ୍ରେସ ସଭାପତିଙ୍କୁ ହତ୍ୟା ଧମକ

ଭୁବନେଶ୍ୱର (ବଡ଼ ଖବର ବ୍ୟୁରୋ):  ଆଇନ ମନ୍ତ୍ରୀ ପ୍ରତାପ ଜେନାଙ୍କର ବହିଷ୍କାର ଓ ଗିରଫ ଦାବିରେ ପ୍ରଦେଶ ଛାତ୍ର କଂଗ୍ରେସ ସଭାପତି ସୟଦ ୟାସିର ନୱାଜ ୭ତାରିଖରେ ବିଧାନସଭା ଘେରାଉ କରିଥିଲେ। ପୋଷ୍ଟମ୍ୟାନ ଏକ ପତ୍ର ଆଣି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଦେଇଥିଲା । ସେହି ଚିଠିରେ ଲେଖା ହୋଇଥିବା କଥା ସମସ୍ତଙ୍କୁ ବିବ୍ରତ କରିଥିଲା। ଚିଠିରେ ଧମକ ଥିଲା ଯଦି ୟାସିର ନୱାଜ ମନ୍ତ୍ରୀ ପ୍ରତାପ ଜେନାଙ୍କ ବିରୁଦ୍ଧରେ କାର୍ଯ୍ୟକ୍ରମ ଜାରି ରଖନ୍ତି, ତେବେ ନୱାଜଙ୍କୁ ହତ୍ୟା କରାଯିବ।

ଏହି ସମ୍ପର୍କରେ କଂଗ୍ରେସ ପକ୍ଷରୁ କ୍ୟାପିଟାଲ ଥାନାରେ ଏତଲା ଦାୟର କରାଯାଇଛି। ପ୍ରଦେଶ ଛାତ୍ର କଂଗ୍ରେସ ସଭାପତି ସୟଦ ୟାସିର ନୱାଜଙ୍କୁ ଧମକପୂର୍ଣ୍ଣ ଚିଠି ନେଇ କ୍ୟାପିଟାଲ ଥାନାରେ ମନ୍ତ୍ରୀ ପ୍ରତାପ ଜେନାଙ୍କ ନାରେ ଲିଖିତ ଅଭିଯୋଗ କରାଯାଇଛି । ଚିଠିରେ ଅଶ୍ଳୀଳ ଭାଷାରେ ଗାଳିଗୁଲଜ ସହ ହତ୍ୟା ଧମକ ଦିଆଯାଇଛି । ମନ୍ତ୍ରୀଙ୍କ ବିରୋଧରେ କାର୍ଯ୍ୟକ୍ରମ ବନ୍ଦ ନକଲେ ଯୋବ୍ରା ଟୋକା ଲଗାଇ ଯେମିତି ଦାଦା-ପୁତୁରାଙ୍କୁ ହତ୍ୟା କରାଗଲା ସେମିତି ତୁମକୁ ମଧ୍ୟ ହତ୍ୟା କରାଯିବ ବୋଲି ଚିଠିଲେ ଉଲ୍ଲେଖ କରାଯାଇଛି ।