କୋରେଇ (ବଡ଼ ଖବର ବ୍ୟୁରୋ): କିଆପଦା ଗାଁରେ ମହିଳାଙ୍କୁ ଫୋନ ଯୋଗେ ସେହି ଗାଁର ଜଣେ ଯୁବକ ଅଶ୍ଳୀଳ ବ୍ୟବହାର କରିବା ଘଟଣାରେ କୋରେଇ ଥାନାରେ ଏତଲା ଦାୟର କଲେ ମହିଳା। ମହିଳାଙ୍କ ଅଭିଯୋଗ କ୍ରମେ ସ୍ୱାମୀଙ୍କର ମୃତ୍ୟୁ ହେବା ପରେ ଅଙ୍ଗନୱାଡି କର୍ମୀ ଭାବେ କାର୍ଯ୍ୟ କରି ନିଜର ପରିବାର ପ୍ରତିପୋଷଣ କରନ୍ତି। ତେବେ ସେ ଅଙ୍ଗନୱାଡି କର୍ମୀ ହେଇଥିବା ଗାଁର ଅନେକ ଲୋକଙ୍କ ନିକଟରେ ତାଙ୍କର ଫୋନ ନମ୍ବର ଅଛି।
ଏହାର ସୁଯୋଗ ନେଇ ସେହି ଗାଁର ଅକ୍ଷୟ କୁମାର ଦାସ ନାମକ ଜଣେ ଯୁବକ ତାଙ୍କ ସହିତ ଫୋନ ଯୋଗେ ଅଙ୍ଗନୱାଡିର ବିଭିନ୍ନ କାର୍ଯ୍ୟ ସମ୍ପର୍କରେ ଆଲୋଚନା କରନ୍ତି। ତେବେ କିଛିଦିନ କଥା ହେବା ପରେ ମହିଳାଙ୍କ ସହିତ ଶାରିରୀକ ସମ୍ପର୍କ ରଖିବାକୁ ଫୋନ ଯୋଗେ କହିଥିଲେ ।
ତେବେ ଏଥିରେ ମହିଳା ଜଣକ ରାଜି ନହେବାରୁ ବିଭିନ୍ନ ପ୍ରକାର ଧମକଚମକ ଦେବା ସହିତ ଅଙ୍ଗନୱାଡି କାର୍ଯ୍ୟରୁ ବହାର କରିଦେବେକୁ ଧମକ ଦେଉ ଥିବା ଆଜି କୋରେଇ ଥାନାରେ ଅଭିଯୋଗ କରିଛନ୍ତି । ତେବେ ତାଙ୍କ ଜୀବନ ପ୍ରତି ବିପଦ ଥିବା କହିବା ସହିତ ତୁରନ୍ତ ଅଭିଯୁକ୍ତକୁ ଗିରଫ କରି ନ୍ୟାୟ ପ୍ରଦାନ କରିବାକୁ ନିବେଦନ କରିଛନ୍ତି ମହିଳା ଜଣଙ୍କ।
