ଦେଶରେ ୭୪,୪୪୨ ନୂତନ କରୋନା ମାମଲା

ନୂଆଦିଲ୍ଲୀ ( ବଡ଼ ଖବର ବ୍ୟୁରୋ):ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ହୁ ହୁ ହୋଇ ବଢ଼ିଚାଲିଛି । ଗତ ୨୪ ଘଣ୍ଟା ମଧ୍ୟରେ କୋଭିଡ-୧୯ର ୭୪,୪୪୨ଟି ନୁଆ ମାମଲା ରିପୋର୍ଟ ହୋଇଛି । ରବିବାର ତୁଳନାରେ ଆଜି ନୂଆ ମାମଲାରେ ସାମାନ୍ୟ ହ୍ରାସ ଘଟିଛି । କିନ୍ତୁ କରୋନା ନେଇଛି ୯୦୩ଙ୍କ ମୁଣ୍ଡ । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ଏହି ସୂଚନା ଦେଇଛି ।

ଦେଶରେ ମୋଟ କରୋନା ମାମଲା ୬୬ଲକ୍ଷ ଅତିକ୍ରମ କରିଛି । ସମୁଦାୟ ୬୬,୨୩,୮୬୧ଜଣ ଆକ୍ରାନ୍ତ ହୋଇଛନ୍ତି । ଏବେ ସକ୍ରିୟ ମାମଲା ସଂଖ୍ୟା ୯,୩୪,୪୨୭ । ୫୫,୮୬,୭୦୪ ରୋଗୀ ସୁସ୍ଥ ହୋଇଛନ୍ତି । ଦେଶରେ ଆଜି ସୁଦ୍ଧା ୧,୦୨,୬୮୫ ରୋଗୀଙ୍କର ମୃତ୍ୟୁ ହୋଇଛି ।