ଭୁବନେଶ୍ୱର, (ବଡ଼ ଖବର ବ୍ୟୁରୋ): ଓଡ଼ିଶା ରାଜଭବନ ଏବେ କରୋନାମୟ । ରାଜ୍ୟପାଳ ପ୍ରଫେସର ଗଣେଶି ଲାଲ ଏବେ ସୁସ୍ଥ ଥିଲେ ମଧ୍ୟ ରାଜଭବନର ବହୁ କର୍ମଚାରୀ କରୋନାରେ ଆକ୍ରାନ୍ତ ହୋଇଛନ୍ତି । ରାଜ୍ୟପାଳଙ୍କ ଲିଫ୍ଟ ମ୍ୟାନ ପୂର୍ବରୁ ଆକ୍ରାନ୍ତ ହୋଇଥିଲେ । ଏବେ ରାଜ୍ୟପାଳଙ୍କ ଏଡିସି, ରାଜ୍ୟପାଳଙ୍କୁ ଚିକିତ୍ସା କରୁଥିବା ଦୁଇ ଡାକ୍ତର, ରାଜ୍ୟପାଳଙ୍କ ବ୍ୟକ୍ତିଗତ ସଚିବ, ରାଜଭବନର ତିନି ରୋଷେୟାଙ୍କ ସମେତ ଅନ୍ୟ ଜଣେ ଅଫିସର କରୋନା ଆକ୍ରାନ୍ତ ହୋଇଛନ୍ତି ।
ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ରାଜଭବନର ଏହି କର୍ମଚାରୀମାନେ ରାଜ୍ୟପାଳଙ୍କ ସହ ସିଧାସଳଖ ସମ୍ପର୍କରେ ରହିଥାନ୍ତି । ତେଣୁ ରାଜ୍ୟପାଳ ପ୍ରଫେସର ଲାଲ ଏବେ ସଂଗରୋଧରେ ରହିଛନ୍ତି । ରାଜଭବନ ରୋଷେଇ ଘରେ ନିଯୁକ୍ତ ଅତିରିକ୍ତ ଦୁଇ ରୋଷେୟା ଏବେ ରୋଷେଇ କରୁଛନ୍ତି ।
