ଗଜପତି(ବଡ଼ ଖବର ବ୍ୟୁରୋ): ଆଜି ସକାଳୁ ବାତ୍ୟା ଗୁଲାବର ପ୍ରଭାବ ଗଜପତିରେ ଦେଖିବାକୁ ମିଳିଛି । ଏହା ମଧ୍ୟରେ ଗଜପତିରେ ଭୂସ୍କଳନ ହୋଇଥିବାର କଥା ସାମ୍ନାକୁ ଆସିଛି । ଗଜପତି ଭୂସ୍କଳନ ଯୋଗୁଁ ଗଜପତି ଗୁମ୍ମା ବ୍ଲକରେ ମାଟି ଧସି ରାସ୍ତା ଅବରୋଧ ହୋଇଛି । ନମନଗଡ଼ରୁ ଆଜୟଗଡ ରାସ୍ତା ମାଟି ଅତଡ଼ା ଧସି ଯିବା ଯୋଗୁଁ ରାସ୍ତା ଅବରୋଧ ହୋଇଥିବାର ସୂଚନା ମିଳିଛି । ପୁର୍ବରୁ ଗଜପତି ଜିଲ୍ଲାରେ ବର୍ଷାର ପରିମାଣ ବଢିଲେ ଜିଲ୍ଲାର ରାୟଗଡ ବ୍ଲକ, ଗୁମ୍ମା ବ୍ଲକ, ଆର ଉଦୟଗିରି ବ୍ଲକ, ନୂଆଗଡ଼ ବ୍ଲକ ରେ ଭୁସକଲନ ଭଳି ସମସ୍ୟା ଦେଖାଯାଇଥାଏ ।
ଏହାକୁ ଦୃଷ୍ଟିରେ ରଖି ପ୍ରଶାସନ ତରଫରୁ ୪ଟି ଓଡ୍ରାଫ ଆସି ପହଞ୍ଚିଛନ୍ତି। ଜରୁରୀ କାଳୀନ ପରିସ୍ଥିତିର ମୁକାବିଲା କରିବା ପାଇଁ ପ୍ରଶାସନର ନିର୍ଦ୍ଦେଶ କ୍ରମେ ଓଡ୍ରାଫ୍ ଟିମ୍କୁ ଜିଲ୍ଲାର କଇଁପୁର, ଗଙ୍ଗାବାଡ଼,କଲାକୋଟ ଇତ୍ୟାଦି ସମ୍ବେଦନଶୀଳ ଅଞ୍ଚଳକୁ ପଠାଯିବ। ପ୍ରଶାସନ ତରଫରୁ ତଳିଆ ଅଞ୍ଚଳର ଲୋକଙ୍କୁ ଜିଲ୍ଲାର ବିଭିନ୍ନ ବ୍ଲକର ୨୨ଟି ବାତ୍ୟା ଆଶ୍ରୟସ୍ଥଳୀରେ ୧୨୦୦ରୁ ଅଧିକ ଲୋକଙ୍କୁ ସ୍ଥାନାନ୍ତର କରାଗଲାଣି । ସବୁ ବାତ୍ୟା ଆଶ୍ରୟସ୍ଥଳୀ ପ୍ରଶାସନ ତରଫରୁ ରନ୍ଧା ଖାଦ୍ୟ ଦେବାର ବ୍ୟବସ୍ଥା କରାଯାଇଛି ।
