ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ଉତ୍ତରପ୍ରଦେଶ ନିର୍ବାଚନ ପାଇଁ ବିଭିନ୍ନ ଦଳ ସଜବାଜ ହେବାରେ ଲାଗିଛନ୍ତି । ନିର୍ବାଚନକୁ ଦୃଷ୍ଟିରେ ରଖି କିଏ ଦିଲ୍ଲୀ ଗସ୍ତ କରୁଛି ତ ଆଉ କିଏ ଶାସକ ଦଳକୁ ଟାର୍ଗେଟ କରୁଛି । ଏହା ମଧ୍ୟରେ ବିଜେପି ଉତ୍ତରପ୍ରଦେଶରେ ନିଜର କ୍ୟାବିନେଟ ସମ୍ପ୍ରସାରଣ କରିବା ପାଇଁ ଯାଉଛି । କଂଗ୍ରେସରୁ ବିଜେପିରେ ଯୋଗ ଦେଇଥିବା ଜିତିନ ପ୍ରସାଦଙ୍କ ସମେତ ସାତ ଜଣ ମନ୍ତ୍ରୀ ଶପଥ ନେବେ ବୋଲି ସୂଚନା ମିଳିଛି । ମନ୍ତ୍ରୀଭାବରେ ଶପଥ ଗ୍ରହଣ କରିଥିବା ଲୋକଙ୍କ ମଧ୍ୟରେ ପାଲଟୁ ରାମ, ସଙ୍ଗୀତା ବିନ୍ଦ, ଦିନେଶ ଖଟିକ, ସଞ୍ଜୟ ଗୌଡ଼, ଧରମଭୀର ପ୍ରଜାପତି ଏବଂ ଛତ୍ରପାଲ ଗାଙ୍ଗୱାର ଅଛନ୍ତି ।
ଅନ୍ୟପଟେ ମାତ୍ର ଚାରି ମାସ ମଧ୍ୟରେ ଉତ୍ତରପ୍ରଦେଶରେ ନିର୍ବାଚନ ହେବାକୁ ଯାଉଛି । ଏହାକୁ ଦୃଷ୍ଟିରେ ରଖି ବିଜେପି ନିଜର କ୍ୟାବିନେଟ ସମ୍ପ୍ରସାରଣ କରୁଛି ବୋଲି ଅନୁମାନ କରାଯାଉଛି । କେବଳ ଏତିକି ନୁହେଁ ବରଂ ଜୁଲାଇ ୮ ତାରିଖରେ କେନ୍ଦ୍ରରେ ହୋଇଥିବା ମନ୍ତ୍ରୀମଣ୍ଡଳର ସମ୍ପ୍ରସାରଣରେ ୟୁପି ଉପରେ ବିଶେଷ ଧ୍ୟାନ ଦିଆଯାଇଥିଲା । ୟୁପିରୁ ନିଯୁକ୍ତ ସାତ ଜଣ ନୂତନ ମନ୍ତ୍ରୀଙ୍କ ମଧ୍ୟରୁ ୪ଜଣ ଓବିସି, ଦୁଇ ଜଣ ଦଳିତ ଏବଂ ଜଣେ ବାହ୍ମଣ ଥିବାର ସୂଚନା ମିଳିଛି ।
