କୋଲକାତା(ବଡ଼ ଖବର ବ୍ୟୁରୋ): ପଶ୍ଚିମବଙ୍ଗର ରାଜ୍ୟପାଳ ଜଗଦୀପ ଧନଖଡ଼ ଏବଂ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମଧ୍ୟରେ ପୁଣିଥରେ ବିବାଦ ଆରମ୍ଭ ହୋଇଛି । ରାଜ୍ୟପାଳ ଧନଖଡ ପଶ୍ଚିମବଙ୍ଗର ବାଚସ୍ପତି ବିମନ ବାନାର୍ଜୀଙ୍କ ଠାରୁ ବିଧାୟକମାନଙ୍କର ଶପଥ ଗ୍ରହଣ ଅଧିକାରକୁ ନେଇଯାଇଛନ୍ତି । ସେପଟେ ପଶ୍ଚିମବଙ୍ଗରେ ଏପରି ପ୍ରଥମଥର ପାଇଁ ହୋଇଛି ।
ଏ ଖବର ସାମ୍ନାକୁ ଆସିବା ପରେ ପୁଣିଥରେ ପଶ୍ଚିମବଙ୍ଗ ରାଜନୀତି ସରଗରମ ହୋଇଉଠିଛି । ଅନ୍ୟପଟେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଭବାନୀପୁର ଉପ-ନିର୍ବାଚନରେ ବିଜେପିକୁ ମାତ ଦେଇ ବିଜୟୀ ହୋଇଥିଲେ । ମୁଖ୍ୟମନ୍ତ୍ରୀ ପଦରେ ରହିବାକୁ ହେଲେ ମମତାଙ୍କୁ ୪ ନଭେମ୍ବର ପୂର୍ବରୁ ଶପଥ ର୍ଗ୍ରହଣ କରିବାକୁ ପଡ଼ିବ । ତେବେ ଏହା ଶାସକ ଦଳର ଏକ ଚାଲ ବୋଲି ତୃଣମୂଳ କଂଗ୍ରେସ କହିଛି ।
