ବିଦ୍ୟାଭାରତୀ ହିଁ ଅଭିଯୁକ୍ତ!
ଗଜପତି(ବଡ଼ ଖବର ବ୍ୟୁରୋ): ଦୁଇ ଦିନରେ ୨ଟି ବୟାନ । ସାମ୍ନାକୁ ଆସିଲେ, ବୟାନ ଦେଲେ । ବିଦ୍ୟାଭାରତୀ ହିଁ ଅଭିଯୁକ୍ତ । ପାରଳାଖେମୁଣ୍ଡି ଏସିଏଫ ସୌମ୍ୟରଞ୍ଜନ ମହାପାତ୍ର ମୃତ୍ୟୁ ମାମଲାରେ ବଡ଼ ଖୁଲାସା । କ୍ରାଇମବ୍ରାଞ୍ଚର କାଉଣ୍ଟରରେ ବିଦ୍ୟାଭାରତୀ । ସୌମ୍ୟରଞ୍ଜନଙ୍କ ମୃତ୍ୟୁ ବଞ୍ଚାଇବାକୁ ଉଦ୍ୟମ କରିନଥିଲେ ବିଦ୍ୟାଭାରତୀ । ଡିଏଫଓ ଓ ରୋଷେୟାଙ୍କୁ କ୍ରାଇମବ୍ରାଞ୍ଚର କ୍ଲିନଚିଟ୍ ପରେ ବିବାଦ ଘେରରେ ବିଦ୍ୟାଭାରତୀ ।
ସିଆରପିସି ଧାରା ୪୧ରେ ବିଦ୍ୟାଭାରତୀଙ୍କ ନାଁରେ ୩ଶହ ପୃଷ୍ଠାର ଚାର୍ଜସିଟ୍ ଦାଖଲ ହୋଇଛି । ଜେରା ରିପୋର୍ଟ, କଲ ରେକର୍ଡ଼, ପୋଷ୍ଟମର୍ଟମ ରିପୋର୍ଟ ସହ ଲାଏ ଡିଟେକ୍ସନ ଟେଷ୍ଟ ରିପୋର୍ଟ ଦାଖଲ କରାଯାଇଛି । ସୌମ୍ୟଙ୍କ ମୃତ୍ୟୁ ଦିନ କାହିଁକି ଶରୀରରେ ଯଥେଷ୍ଟ ପାଣି ପକାଇ ନଥିଲେ ବିଦ୍ୟାଭାରତୀ? ନିଆଁ ଲିଭାଇବାକୁ କାହିଁକି ବିଦ୍ୟା ତତ୍ପରତା ଦେଖାଇ ନଥିଲେ ।
ବିଦ୍ୟା ଉପସ୍ଥିତ ଥାଇ ମଧ୍ୟ ସୌମ୍ୟଙ୍କ ଶରୀର ୯୫ ଅଂଶ କିପରି ପୋଡ଼ିଲା? କାହିଁକି ଅନ୍ୟମାନଙ୍କର ସାହାଯ୍ୟ ନେଇନଥିଲେ ବିଦ୍ୟାଭାରତୀ । ଏଭଳି ଅନେକ ପ୍ରଶ୍ନ ଏବେ ସାଧାରଣରେ ସୃଷ୍ଟି ହୋଇଛି । କ୍ରାଇମବ୍ରାଞ୍ଚ ଉପରେ ପ୍ରଥମରୁ ବିଶ୍ୱାସ ନଥିବା ସୌମ୍ୟଙ୍କ ପରିବାର ଲୋକେ ଏବେ କ୍ରାଇମବ୍ରାଞ୍ଚର ନିଷ୍ପତ୍ତି ଉପରେ ପ୍ରଶ୍ନ ଉଠାଇଛନ୍ତି ।
ଡିଏଫଓଙ୍କୁ କ୍ଲିନଚିଟ୍ ଦେବା ପଛରେ ରହିଛି କି ରାଜନୈତିକ ହାତ? କାହିଁକି ଡିଏଫଓଙ୍କୁ ଦିଆଗଲା କ୍ଲିନଚିଟ୍? ବହୁ ଅଭିଯୋଗ ସତ୍ତେ୍ୱ ମଧ୍ୟ କାହିଁକି ଏହି ମାମଲାରୁ ବିଦା ହେଲେ ଡିଏଫଓ? ଏହା ପଛରେ ନାହିଁ ତ ମନ୍ତ୍ରୀଙ୍କ ହାତ? ଏଭଳି ଅନେକ ପ୍ରଶ୍ନ ଏବେ ସାଧାରଣରେ ସୃଷ୍ଟି ହୋଇଛି । ବହୁ କଳ୍ପନା ଜଳ୍ପନା ଉପରେ ପରେ ସୌମ୍ୟ ମୃତ୍ୟୁ ମାମଲାରେ ସାମ୍ନାକୁ ଆସିଲେ ପ୍ରଥମ ଅଭିଯୁକ୍ତ । ବିଦ୍ୟାଭାରତୀଙ୍କୁ ଦୋଷୀ ବନାଇ ମୁଖ୍ୟ ଅଭିଯୁକ୍ତଙ୍କୁ ଖସାଇ ଦିଆଯାଉନି ତ?
