ବିହାର ଏକଜିଟ୍ ପୋଲ୍ : ମହାଗଠବନ୍ଧନ ସପକ୍ଷରେ ମତ

By Bada Khabar Bureau On Nov 7, 2020

ବିହାର, (ବଡ଼ ଖବର ବ୍ୟୁରୋ): ବିହାର ନିର୍ବାଚନୀ ଫଳାଫଳ ଉପରେ ରହିଛି ସମସ୍ତଙ୍କ ନଜର । ଆସନ୍ତା ୧୦ ତାରିଖରେ ଫଳାଫଳ ଆସିବା ପୂର୍ବରୁ ବିଭିନ୍ନ ସର୍ଭେ ସଂସ୍ଥା ପକ୍ଷରୁ ପ୍ରକାଶ ପାଇଛି ଏକଜିଟ୍ ପୋଲ୍ । ଏକଜିଟ୍ ପୋଲ ରିପୋର୍ଟ ମୁତାବକ ବିହାର ପରିବର୍ତ୍ତନ ପଥରେ ଅଗ୍ରସର ହେଉଛି । ବିଜେପି ଓ ଜେଡିୟୁ ମେଣ୍ଟକୁ ଲାଗିବ ବଡ଼ ଝଟକା । କ୍ଷମତାରୁ ବେଦଖଲ ହୋଇପାରନ୍ତି ନୀତିଶ କୁମାର । ତେଜସ୍ୱୀ ଯାଦବଙ୍କ ନେତୃତ୍ୱରେ ଗଠିତ ମହାଗଠବନ୍ଧ ସଂଖ୍ୟାଗରିଷ୍ଠତା ହାସଲ କରିବ । ୨୪୩ ଆସନ ବିଶିଷ୍ଟ ବିହାର ବିଧାନସଭା ଆସନ ଲାଗି ୧୨୨ ମ୍ୟାଜିକ ନମ୍ବର ଆବଶ୍ୟକ ।

ନଜର ପକାନ୍ତୁ କେଉଁ ସର୍ଭେ ସଂସ୍ଥାର କଣ ରହିଛି ରିପୋର୍ଟ:
ପୋଲ ଅଫ୍ ପୋଲର ଆକଳନ ଅନୁଯାୟୀ ଆରଜେଡି ମେଣ୍ଟ ସପକ୍ଷରେ ୧୨୪, ଏଡିଏ-୧୧୦, ଏଲଜେପି-୪ ଓ ଅନ୍ୟାନ୍ୟ ଦଳ ୫ଟି ଆସନ ହାତେଇବେ ।

ରିପବ୍ଳିକ ଟିଭି ଜନ କୀ ବାତର ଏକଜିଟ୍ ପୋଲ ଅନୁଯାୟୀ ଏନଡିଏ ସପକ୍ଷରେ ୯୧ରୁ ୧୧୭, ଆରଜେଡି ମେଣ୍ଟ- ୧୧୮ରୁ ୧୩୬, ଏଲଜେପି-୫ରୁ ୮, ଅନ୍ୟାନ୍ୟ ଦଳ-୩ରୁ୬ ।

ଟାଇମସ ନାଓ: ଏନଡିଏ- ୧୧୬, ଆରଜେଡି ମେଣ୍ଟ-୧୨୦, ଏଲଜେପି-୧, ଅନ୍ୟାନ୍ୟ-୬