କୋଇଲା ଅଭାବ ହେତୁ ୧୧ଟି ରାଜ୍ୟରେ ବିଦ୍ୟୁତ ସଙ୍କଟ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ କୋଇଲା ଅଭାବ ହେତୁ ଅନେକ ରାଜ୍ୟରେ ବିଦ୍ୟୁତ ସଙ୍କଟ ଦେଖାଦେଇଛି । ଏହା ସହ ଏପରି ଅନେକ ରାଜ୍ୟ ଅଛନ୍ତି ଯେଉଁଠାରେ କୋଇଲା ଭଣ୍ଡାରରେ ଥିବା କୋଇଲା ସରିବା ଉପରେ ରହିଛି । ଏନେଇ ରାଜ୍ୟର ମୁଖ୍ୟମନ୍ତ୍ରୀମାନେ ଏହି ପ୍ରସଙ୍ଗ ଉପରେ ହସ୍ତକ୍ଷେପ କରିବାକୁ ଏବଂ ତୁରନ୍ତ କୋଇଲା ଯୋଗାଣ ସୁନିଶ୍ଚିତ କରିବାକୁ ପ୍ରଧାନମନ୍ତ୍ରୀଙ୍କୁ ଚିଠି ଲେଖିଛନ୍ତି । ହେଲେ ଦେଶରେ କୋଇଲାର ଅଭାବ ନାହିଁ ବୋଲି କେନ୍ଦ୍ର ସରକାର ଓ ଶକ୍ତି ମନ୍ତ୍ରୀ ଦାବି କରିଛନ୍ତି । ସେପଟେ କେନ୍ଦ୍ର ସରକାରଙ୍କ ଏହି ଦାବି ଉପରେ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ପ୍ରତିକ୍ରିୟା ଦେଇଛନ୍ତି ।

ଦେଶରେ ପର୍ଯ୍ୟାପ୍ତ କୋଇଲା ଥିଲେ ସାରା ଦେଶରେ ପାୱାର ପ୍ଲାଣ୍ଟ କାହିିଁକି ବନ୍ଦ ହେଉଛି ବୋଲି ଭୂପେଶ ବାଘେଲ ପ୍ରଶ୍ନ କରିଛନ୍ତି । ଏହା ସହ କୋଇଲାର ଅଭାବ ନାହିଁ ବୋଲି କେନ୍ଦ୍ର ଦାବି କରିଛି, କିନ୍ତୁ ବିଦ୍ୟୁତ ଉତ୍ପାଦନ ବନ୍ଦ ରହିଛି । ଏହି ମିଥ୍ୟା ଦାବି କାହିଁକି କରାଯାଉଛି । ଏପରିକି କୋଇଲା ଆମଦାନୀ ବନ୍ଦ ହେତୁ ବିଦ୍ୟୁତ ଯୋଗାଣ ପ୍ରଭାବିତ ହେଉଛି ବୋଲି ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ କହିଛନ୍ତି ।