ଖଣି ମାଲିକଙ୍କ ଜୁଲମ ବିରୋଧରେ ତାତୁଛି କେନ୍ଦୁଝର

ଯୋଡ଼ା (ବଡ଼ ଖବର ବ୍ୟୁରୋ): ଯୋଡା ପରେ ଭଦ୍ରାସାହିରେ ବାହାର ରାଜ୍ୟର ଟ୍ରକ ଚାଲୁଥିବା ଅଭିଯୋଗ । ପରିବହନ ଦର ହ୍ରାସ ନେଇ ଅଶାନ୍ତ ହେଉଛି ଯୋଡା ଖଣିକ୍ଷେତ୍ର । ଯୋଡା ଟ୍ରକ ମାଲିକ ସଂଘର ବିବାଦ ନଥମୁଣୁ ପରିବହନକୁ ନେଇ ଭଦ୍ରାସାହି-ଗୁଆଲି ଟ୍ରକମାଲିକ ସଂଘରେ ଆଉ ଏକ ବିବାଦ। ଟଣ୍ଟ ସ୍ଥିତ କେଏନରାମ ଖଣିରୁ ଅମଲଗଡ଼ ସ୍ଥିତ କେଣ୍ଡରା କାରଖାନାକୁ ପରିବହନ ଦର ହ୍ରାସକୁ ନେଇ ବିବାଦ ସୃଷ୍ଟି ହୋଇଛି । ମାଲିକଙ୍କ କହିବା ଅନୁଯାଇ ପରାମର୍ଶ ନନେଇ ସଙ୍ଘର କର୍ମକର୍ତ୍ତାମାନେ ମନ ଇଚ୍ଛା ଦର କମାଇ ଦେଇଛନ୍ତି ।

ଏହାକୁ ବିରୋଧ କରି ସ୍ଥାନୀୟ ସରପଞ୍ଚ ଓ ମାଲିକମାନେ ପରିବହନ ବନ୍ଦ କରି ଖଣି ସମୁଖରେ ଧାରଣା ଦେଇଥିଲେ । ପରେ ଖଣି କତୃପକ୍ଷ ୧୧ ଶହ ଟଙ୍କା କହିବାରୁ ମାଲିକମାନେ ସଭାପତି ସୁନୀଲ ଦତ୍ତଙ୍କୁ ଫୋନ ଯୋଗେ ପଚାରିଥିଲେ । କିନ୍ତୁ ସେ କିନ୍ତୁ ୧୨ ଶହ ଟଙ୍କା ନହେଲେ ଗାଡି ଚାଳିବନାହିଁ ବୋଲି ସିଧା ସଳକ ମନା କରିଥିଲେ । ପରେ କଣ ହେଲା ଯେ ରାତାରାତି ମାଲିକଙ୍କ ମତ ନନେଇ ମୂଲ୍ୟ ଧାର୍ଯ୍ୟ ହୋଇଗଲା । ସ୍ଥାନୀୟ ଗାଡି ଛାଡି ବାହାର ରଜ୍ୟ ଗାଡ଼ି ଚାଲିଲା । ଏହାକୁ ନେଇ ବିବାଦ ଜୋର ଧରିଲା ।