କଳାହାଣ୍ଡି (ବଡ଼ ଖବର ବ୍ୟୁରୋ): କଳାହାଣ୍ଡି କେଗାଁ ଥାନା ଆଇଆଇସି ନିଲମ୍ବିତ । କାର୍ଯ୍ୟରେ ଅବହେଲା ପାଇଁ ନିଳମ୍ବିତ ହେଲେ ଆଇଆଇସି ଡମୁ ପରଜା । ମମିତା ମେହେର ହତ୍ୟା ମାମଲାରେ ତାଙ୍କ ବିରୋଧରେ କାର୍ୟ୍ୟାନୁଷ୍ଠାନ ନିଆଯାଇଛି । ଦାୟିତ୍ଵରେ ଅବହେଳା ପାଇଁ ଥାନା ଅଧିକାରୀ ନିଲମ୍ବିତ ହୋଇଛନ୍ତି । କଳାହାଣ୍ଡି ଆରକ୍ଷୀ ଅଧିକ୍ଷକ ଶ୍ରବଣା ବିବେକ ଏମ୍ ସୂଚନା ଦେଇଛନ୍ତି । ସେପଟେ ବଲାଙ୍ଗିର ଚର୍ଚ୍ଚିତ ଶିକ୍ଷୟତ୍ରୀ ମମିତା ମେହେର ହତ୍ୟା କାଣ୍ଡରେ ମୁଖ୍ୟ ଅଭିଯୁକ୍ତ ସ୍କୁଲ ପରିଚାଳକ ଗିରଫ ହୋଇଥିବାବେଳେ ଆଜି ତାର ଆଉ ଜଣେ ସହଯୋଗୀ ରାଧେକୁ ଗିରଫ କରିଛି ପୋଲିସ ।
ଆଜି ତାକୁ କୋର୍ଟ ଚାଲାଣ କରାଯାଇଛି। ପୂର୍ବରୁ ପୋଲିସ୍ ଏହି ମାମଲାରେ ତିନି ଜଣଙ୍କୁ ଅଟକ ରଖି ତଦନ୍ତ କରିଥିଲା। ଯେଉଁଥିରେ ଜେଶିବି ଡ୍ରାଇଭର ପୁଷ୍ପ ଭୋଇ, ସହଯୋଗୀ ରାଧେ ଓ ଷ୍ଟାଡିୟମ୍ ମୁନସୀ ତଥା ତାର କାର ଡ୍ରାଇଭରକୁ ପୋଲିସ୍ ଅଟକ ରଖି ଜେରା କରିଥିଲା। ତେବେ ଆଜି ସହଯୋଗୀ ରାଧେ ବିରୋଧରେ ବଳିଷ୍ଠ ପ୍ରମାଣ ମିଳିବା ପରେ ପୋଲିସ୍ ତାକୁ ଗିରଫ କରିଛି।
