ନରସିଂହପୁର (ବଡ଼ ଖବର ବ୍ୟୁରୋ): ବିନା କାରଣରେ ୩ ବିଜେପି କର୍ମୀଙ୍କୁ ନରସିଂହପୁର ପୋଲିସ ଉଠାଇ ଆଣିଥିବା ଅଭିଯୋଗ ଆଣିଛି ବିଜେପି। ବିନା କୌଣସି କାରଣରେ ରାଜନୈତିକ ଆକ୍ରୋଶ ରଖି ଏହିପରି ହୋଇଛି। ସେହିପରି ଏ ସମ୍ପର୍କରେ ଥାନା ଅଧିକାରୀ ଅଲେଖ ଗରଡ଼ିଆଙ୍କୁ ପଚାରିବାରୁ ସେ ଏ ସମ୍ପର୍କରେ କିଛି କହିବେ ନାହିଁ ବୋଲି ସିଧା ମନ୍ତବ୍ୟ ଦେଇଛନ୍ତି। ଗତ କାଲି ଶୁକ୍ରବାର ରାତ୍ରିରେ ବିନା କୌଣସି କେଶରେ ନରସିଂହପୁର ଥାନା ପୋଲିସ ୩କର୍ମୀ ଙ୍କୁ ଉଠାଇ ଆଣିଛି ।
ଯାହାଙ୍କ ନାମ ହେଉଛି ମନୋଜ ନାୟକ, ରଞ୍ଜନ ସାମନ୍ତରାୟ, ଲିପୟ ବଳିୟାରସିଂ । କୋର୍ଟ ପରିସରରେ ଏକ ଗଣ୍ଡଗୋଳ ହୋଇଥିଲା ଯାହାକୁ ନେଇ ରାଜନୈତିକ ଆକ୍ରୋଶ ଥିଲା। ସେହିପରି ଡାକ୍ତରି ମାଇନା ନକରି ମଧ୍ୟ ସକାଳ ୭ଟାରେ ଜରୁରୀ କାଳୀନ ଭାବେ କୋର୍ଟ ଫରୱାର୍ଡ ମଧ୍ୟ କରାଯାଇଛି। ତେବେ କେଉଁଠି ନା କେଉଁଠି ଏଠାରେ ସ୍ଥାନୀୟ ବିଧାୟକ ଦେବୀ ମିଶ୍ରଙ୍କର ସମ୍ପୂର୍ଣ୍ଣ ହାତ ଥିବା କୁହାଯାଇଛି।
