ଭାରତରେ ହ୍ୱାଟସଆପର କୌଣସି ମୌଳିକ ଅଧିକାର ନାହିଁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ହ୍ୱାଟସଆପର କୌଣସି ମୌଳିକ ଅଧିକାର ନାହିଁ । ଏକ ବିଦେଶୀ ସଂସ୍ଥା । ଭାରତରେ ଏହାର କୌଣସି ମୌଳିକ ଅଧିକାର ନାହିଁ । ସମ୍ବିଧାନର ଧାରା ୧୯ ଓ ୨୧ରେ ଥିବା ମୌଳିକ ଅଧିକାର ଉଲ୍ଲଂଘନ ହୋଇଥିବା ଅଭିଯୋଗ କରି କୌଣସି ବିଦେଶୀ ସଂସ୍ଥା ଭାରତୀୟ ଆଇନକୁ ଚ୍ୟାଲେଞ୍ଜ୍‌ କରିପାରିବ ନାହିଁ । ଏହା ଭାରତୀୟ ଆଇନକୁ ଚ୍ୟାଲେଞ୍ଜ୍‌ କରିପାରିବ ନାହିଁ ବୋଲି କେନ୍ଦ୍ର ସରକାର ଏକ ସତ୍ୟପାଠ ଜରିଆରେ ଦିଲ୍ଲୀ ହାଇକୋର୍ଟଙ୍କୁ ଅବଗତ କରିଛନ୍ତି ।

ଯାହାକୁ ନେଇ ହ୍ବାଟସ୍‌ଆପ୍ ହାଇକୋର୍ଟରେ ରୁଜୁ କରିଥିବା ମାମଲାର ଏବେ ବିଚାର ଚାଲିଛି । ମେସେଜ୍‌ର ମୂଳ ଉତ୍ସ କ’ଣ ତାହା ଜାଣିବା ଲାଗି ଏଣ୍ଡ୍‌-ଟୁ-ଏଣ୍ଡ୍‌ ଏନ୍‌କ୍ରିପ୍ସନ ବ୍ୟବସ୍ଥାକୁ ହଟାଇବାକୁ ପଡ଼ିବ ନାହିଁ ବୋଲି ମଧ୍ୟ ସରକାର କହିଛନ୍ତି । ସତ୍ୟପାଠରେ ସରକାର ଏହା ମଧ୍ୟ ଜଣାଇଛନ୍ତି ଯେ ନୂଆ ଆଇଟି ନିୟମକୁ ଲାଗୁ କରିବା ଲାଗି ସରକାରଙ୍କ ପାଖରେ ଆଇନଗତ ବ୍ୟବସ୍ଥାର କୌଣସି ଅଭାବ ନାହିଁ ।