ଟିକାକୁ ନେଇ ରାଜନୀତି କରୁଛନ୍ତି କେନ୍ଦ୍ର ସରକାର: ବିରୋଧୀ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଟିକାକୁ ନେଇ ରାଜନୀତି ବନ୍ଦ ହେବା ଦରକାର । କିନ୍ତୁ ଦେଶରେ ଏହା ବନ୍ଦ ହେଉନି । ଏପରି କହିଛନ୍ତି ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସି । ସେ ପ୍ରଧାନମନ୍ତ୍ରୀଙ୍କୁ କହିଛନ୍ତି ଯେ, ସୁପ୍ରିମକୋର୍ଟଙ୍କ ହସ୍ତକ୍ଷେପ ପରେ କେନ୍ଦ୍ର ଟିକା ଯୋଗାଣ ଏବଂ ବଣ୍ଟନ କାର୍ୟ୍ୟ ଆରମ୍ଭ କରିଛି। ବିବାଦ ଆରମ୍ଭ ହେବାର ପାଞ୍ଚ ଦିନ ପୂର୍ବରୁ ପ୍ରଧାନମନ୍ତ୍ରୀ ଏହି ଟିକା ପାଇଁ ପ୍ରଥମ ଆଦେଶ ଦେଇଛନ୍ତି।

କିନ୍ତୁ ଏହାକୁ ନେଇ ବିଜେପି ପକ୍ଷରୁ ରାଜନୀତି କାର୍ହିକି କରାଯାଉଛି ଓ ନିଜର ସଫଳତା ବୋଲି କାହିଁକି କୁହାଯାଉଛି ବୋଲି ପ୍ରଶ୍ନ କରିଛନ୍ତି । ସେପଟେ କଂଗ୍ରେସ ବି ଏ ବିଷୟ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛି । କଂଗ୍ରେସ କହିଛି ଯେ, ଟୀକାକରଣ ବିଷୟରେ ପ୍ରଧାନମନ୍ତ୍ରୀ ଦେଶକୁ ବିଭ୍ରାନ୍ତ କରୁଛନ୍ତି । ଏପର୍ୟ୍ୟନ୍ତ କେବଳ ୨୧ ପ୍ରତିଶତ ଜନସଂଖ୍ୟା ଉଭୟ ଟିକା ଗ୍ରହଣ କରିଛନ୍ତି।

ଚଳିତ ବର୍ଷ ଶେଷ ସୁଦ୍ଧା ସମସ୍ତ ବୟସ୍କଙ୍କୁ ଟୀକାକରଣ କରିବାକୁ ଦେଇଥିବା ପ୍ରତିଶ୍ରୁତି ଉପରେ ସରକାର ଏକ କ୍ଲିନ ଚିଟ୍ ଦେବା ଉଚିତ୍ । କଂଗ୍ରେସ ନେତା ରାହୁଲ ଗାନ୍ଧୀ କେନ୍ଦ୍ର ସରକାରଙ୍କୁ ଆକ୍ରମଣ କରି କହିଛନ୍ତି ଯେ ସରକାର ଦୁଇ ପ୍ରକାରର ଆଲୋଚନା କରୁଛନ୍ତି। ସେ କହିଛନ୍ତି ଯେ ମେଡ୍ ଇନ୍ ଇଣ୍ଡିଆ କେବଳ ଏକ ଜୁମ୍ଲା । ସେହିପରି ଚୀନ୍ ସହିତ ବାଣିଜ୍ୟରେ ୪୯% ବୃଦ୍ଧି ପଞ୍ଜିକରଣ କରାଯାଇଛି ବୋଲି କୁହାଯାଇଛି। ସେ କହିଛନ୍ତି ଯେ ସରକାରଙ୍କ ଉଭୟ କାର୍ୟ୍ୟ ଏବଂ ଶବ୍ଦ ଅଲଗା।