ଜେଲ ଗଲେ ବିଜେପି ନେତା

ନରସିଂହପୁର (ବଡ଼ ଖବର ବ୍ୟୁରୋ): ଜେଲ ଗଲେ ବିଜେପି ନେତା। ଏଭଳି ଘଟଣା ଘଟିଛି କଟକ ଜିଲ୍ଲା ନରସିଂହପୁରରେ। ସୂଚନା ଅନୁଯାୟୀ ନରସିଂହପୁର ଥାନାରେ ବିଜେପି କର୍ମୀ ଏବଂ ପୋଲିସ ଭିତରେ ଧସ୍ତାଧସ୍ତି ହୋଇଥିଲେ । ତିନି ଜଣ ପୋଲିସ କର୍ମଚାରୀ ଆହତ ହୋଇଥିବା ବେଳେ ଜଣେ ମହିଳା କର୍ମଚାରୀଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ଡାକ୍ତରଖାନାକୁ ପଠାଇ ଦିଆଯାଇଥିଲା।

ଅନ୍ୟପଟେ ବିଜେପିର ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଜୟ ଦଳବେହେରା ଓ ତାଙ୍କ ସାନ ଭାଇ ସଞ୍ଜୟ ଦଳବେହେରାଙ୍କ ସମେତ ଅନ୍ୟ ଜଣେ ବିଜେପି କର୍ମୀଙ୍କୁ ନରସିଂହପୁର ପୋଲିସ ଅଟକ ରଖିଥିବା ବେଳେ ରାତିରେ ତରବରିଆ ଭାବେ ସମସ୍ତଙ୍କୁ କୋର୍ଟ ଚାଲାଣ କରିଥିଲା।ସେଠାରେ ସେମାନଙ୍କର ଜାମିନ ନାମଞ୍ଜୁର ହେବାରୁ ସେମାନଙ୍କୁ ନରସିଂହପୁର ଜେଲକୁ ପଠାଇଦିଆଯାଇଛି।

ସେମାନକଙ୍କୁ ଜେଲକୁ ପଠାଯିବା ସମୟରେ ଆଇନ ଶୃଙ୍ଖଳା ପରିସ୍ଥିତିକୁ ନିୟନ୍ତ୍ରଣରେ ରଖିବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।ଏହି ଘଟଣାକୁ ବିଜେପି ପକ୍ଷରୁ ଦୃଢ଼ ନିନ୍ଦା କରି ରାଜ୍ୟ ବିଜେପିର ନେତୃବୃନ୍ଦ ଆଜି ନରସିଂହପୁର ଆସି କିଛି ଆଲୋଚନା କରିବା ପାଇଁ ସୂଚନା ମିଳିଛି ।