ଦକ୍ଷିଣ ଓଡ଼ିଶାରେ ଶକ୍ତି ପ୍ରଦର୍ଶନ କଲା କଂଗ୍ରେସ

ନବରଙ୍ଗପୁର(ବଡ଼ ଖବର ବ୍ୟୁରୋ): କଂଗ୍ରେସ କଲା ଶକ୍ତି ପ୍ରଦର୍ଶନ । ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଶ୍ରାଦ୍ଧ ବାର୍ଷିକୀରେ ଆଜି ଦକ୍ଷିଣ ଓଡ଼ିଶାରେ କଂଗ୍ରେସ ନିଜର ଶକ୍ତି ପ୍ରଦର୍ଶନ କରିଛି । ପ୍ରଦୀପ ମାଝି କଂଗ୍ରେସ ଛାଡ଼ିବା ପରେ ଦକ୍ଷିଣ ଓଡ଼ିଶାରେ ଦଳ ଦୁର୍ବଳ ହୋଇଯାଇଥିବା କୁହାଯାଉଥିଲା । ଯାହାକୁ ଆଜି ଚ୍ୟାଲେଞ୍ଜ କରିଛି କଂଗ୍ରେସ । ଆଜି ଜୟପୁର ଏୟାର ଷ୍ଟ୍ରିପଠାରେ କଂଗ୍ରେସର ଓଡ଼ିଶା ପ୍ରଭାରୀ ଚେଲ୍ଲା କୁମାର, ବିରୋଧୀ ଦଳ ନେତା ନରସିଂହ ମିଶ୍ର, ଜୟପୁର ବିଧାୟକ ତାରା ପ୍ରସାଦ ବାହୀନି ପତି, ସାଂସଦ ସପ୍ତଗିରି ଉଲାକାଙ୍କ ଭଳି କଂଗ୍ରେସର ବହୁ ବଡ଼ ବଡ଼ ନେତାମନ୍ତ୍ରୀ ମାନେ ସେଠାରେ ପହଞ୍ଚିଥିଲେ । ।

ଏୟାର ଷ୍ଟ୍ରିପଠାରୁ ଏକ ବିଶାଳ ବାଇକ ରାଲି କରି ଇନ୍ଦିରା ଗାନ୍ଧିଙ୍କ ଶ୍ରାଦ୍ଧ ଦିବସରେ ଯୋଗ ଦେଇଥିଲେ । ତେବେ ନବରଙ୍ଗପୁରରେ ଜିଲ୍ଲା କଂଗ୍ରେସର ଏକ ବିଶାଳ ସମାବେଶ ମଧ୍ୟ ହୋଇଥିଲା । ଯେଉଁ କାର୍ଯ୍ୟକ୍ରମରେ ପାଖାପାଖି ୧୦ ହଜାରରୁ ଉଦ୍ଧ୍ୱର୍ କଂଗ୍ରେସ କର୍ମୀ ଯୋଗ ଦେଇଥିଲେ । ଏହି ସମାବେଶରେ ପ୍ରାୟ ୩ହଜାର କର୍ମୀ ବିଜେପି ଓ ବିଜେଡି ଛାଡ଼ି କଂଗ୍ରେସରେ ଯୋଗ ଦେଇଛନ୍ତି ।