ପୋଲିସ ଗାଡ଼ିରେ ଚୋରା କାଠ

ଗଜପତି (ବଡ଼ ଖବର ବ୍ୟୁରୋ): ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ଫରେଷ୍ଟ ଗେଟ୍ ଛକ ନିକଟରୁ ଏକ ପୋଲିସ ଗାଡ଼ି ରୁ ବିପୁଳ ପରିମାଣ ର କାଠ ଗଣ୍ଡି ଜବତ । ଗାଡ଼ିଟି ପୋଲିସ ବିଭାଗର ତୃତୀୟ ବାଟାଲିୟନ ଓ ଏସଏପି ଏବଂ ଗାଡ଼ିରେ ଯାଉଥିବା ୪ଜଣ ମଧ୍ୟ ପୋଲିସ କର୍ମଚାରୀଙ୍କୁ ଅଟକ ରଖାଯାଇଛି ।  ଗଜପତି ଜିଲ୍ଲା ଜଙ୍ଗଲ ବିଭାଗ ଖବରପାଇ ଗାଡ଼ିକୁ ଅଟକାଇ ଏହି ସବୁ କାଠ ଜବତ କରିଛି ।

ଗାଡ଼ିଟି ଭୁବନେଶ୍ୱର ଅଭିମୁଖେ ଯାଉଥିବା ଅଟକ ଥିବା ପୋଲିସ କର୍ମଚାରୀମାନେ କହିଛନ୍ତି । ତେବେ ପୋଲିସ ବିଭାଗର ଗାଡ଼ିରେ ଏତେ ପରିମାଣ କାଠ ଚାଲାଣ ନିଶ୍ଚିତ ଭାବେ ଏହା ପଛରେ ପୋଲିସ ବିଭାଗର ବଡ ଅଧିକାରୀଙ୍କ ହାତ ଥିବା ସନ୍ଦେହ ସୃଷ୍ଟି କରୁଛି। ବନ ବିଭାଗ ତଦନ୍ତ ଆରମ୍ଭ କରିଥିବା ବେଳେ ଏହା ପରେ ସବୁ କିଛି ସ୍ପଷ୍ଟ ହେବ ବୋଲି ବନ ବିଭାଗ ପକ୍ଷରୁ କୁହାଯାଇଛି।