ଯାଞ୍ଚ ହେବ ସୁଶାନ୍ତ ସିଂ ରାଜପୁତଙ୍କ ଡିଲିଟ୍ ହୋଇଥିବା ଚାଟ୍-ଇମେଲ୍

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ଘଟଣାର ହୋଇପାରେ ବଡ଼ ଖୁଲାସା। ସୁଶାନ୍ତ ଙ୍କ ଇମେଲ ଏବଂ ସୋସିଆଲ ମିଡିଆ ଆକାଉଣ୍ଟରୁ ଡିଲିଟ ହୋଇଥିବା ଡାଟାକୁ ପାଇବା ପାଇଁ ସିବିଆଇ ଆମେରିକାର ସହାୟତା ଲୋଡିଛି। କାଲିଫର୍ଣ୍ଣିଆରେ ଅବସ୍ଥିତ ଗୁଗୁଲ୍ ଏବଂ ଫେସବୁକ୍ ରୁ ସିବିଆଇ ଏହି ସୂଚନା ମାଗିଛି। ଯାହା ଆସିବା ପରେ ପ୍ରକୃତ ସତ୍ୟର ଉନ୍ମୋଚନ ହୋଇପାରିବ ବୋଲି ଅଧିକାରୀମାନେ କହିଛନ୍ତି।

ଭାରତ ଏବଂ ଆମେରିକା ମଧ୍ୟରେ ଏକ ଏମଏଲଏଟି ଅଛି ଯାହା ଅଧୀନରେ ଉଭୟ ପକ୍ଷ ଘରୋଇ ମାମଲାର ଅନୁସନ୍ଧାନରେ ସୂଚନା ଖୋଜି ପାରିବେ। ଭାରତରେ, ଗୃହ ମନ୍ତ୍ରଣାଳୟ ଏମଏଲଏଟି ଅଧୀନରେ କୌଣସି ସୂଚନା ପଠାଇବା କିମ୍ବା ଗ୍ରହଣ କରିବାର କେନ୍ଦ୍ର ହୋଇଥିବାବେଳେ ଆମେରିକାରେ ଆଟର୍ଣ୍ଣି ଜେନେରାଲଙ୍କ କାର୍ଯ୍ୟାଳୟରୁ ଏହି ସୂଚନା ଗ୍ରହଣ କରାଯାଇଛି।