ଆଜି ଭାରତ-ପାକିସ୍ତାନ ମୁକାବିଲା

ମୁମ୍ବାଇ (ବଡ଼ ଖବର ବ୍ୟୁରୋ):  ଆଜି ମୁହାଁ ମୁହିଁ ହେବେ ଭାରତ-ପାକିସ୍ତାନ । ଚଳିତ ଆଇସିସି ମହିଳା ଟ୍ବେଣ୍ଟି୨୦ ବିଶ୍ବକପର କେପ୍‌ଟାଉନର ନ୍ୟୁଜଲାଣ୍ଡ କ୍ରିକେଟ ଗ୍ରାଉଣ୍ଡରେ ଗ୍ରୁପ-ଏ ର ଭାରତ ଓ ପାକିସ୍ତାନ ମଧ୍ୟରେ ମ୍ୟାଚ ଖେଳାଯିବ। ହରମନପ୍ରୀତ କୌରଙ୍କ ନେତୃତ୍ବାଧିନ ଭାରତୀୟ ମହିଳା କ୍ରିକେଟ ଦଳ ଗତ ୨୦୨୦ରେ ଚମତ୍କାର ପ୍ରଦର୍ଶନ କରି ଫାଇନାଲରେ ପ୍ରବେଶ କରିଥିଲା।

ଫାଇନାଲରେ ଅଷ୍ଟ୍ରେଲିଆ ନିକଟରୁ ପରାଜିତ ହୋଇ ରନର୍ସଅପ ହୋଇଥିଲା। ତାରକା ଓପନର ସ୍ମୃତି ମାନ୍ଧାନା ଆଙ୍ଗୁଠି ଆଘାତ ସମସ୍ୟାରୁ ମୁକୁଳି ନଥିବାବେଳେ ପାକିସ୍ତାନ ବିପକ୍ଷ ମ୍ୟାଚ ଖେଳିବା ନେଇ ଆଶଙ୍କା ରହିଛି। ୧୯ ବର୍ଷରୁ କମ୍‌ ମହିଳା ଟ୍ବେଣ୍ଟି୨୦ ବିଶ୍ବକପ ବିଜୟୀ ଭାରତୀୟ ଦଳର ଅଧିନାୟିକା ଶେଫାଳି ବର୍ମା ସିନିୟର ଟ୍ବେଣ୍ଟି୨୦ ବିଶ୍ବକପକୁ ନେଇ ଉତ୍ସାହିତ ଅଛନ୍ତି। ଚଳିତ ବିଶ୍ବକପରେ ଭାରତ ଭଲ ପ୍ରଦର୍ଶନ କରିବା ନେଇ ଆଶା ରଖିଛି। ଅନ୍ୟପକ୍ଷରେ ପାକିସ୍ତାନ ବିସ୍‌ମା ମାରୁଫଙ୍କ ନେତୃତ୍ବରେ ଖେଳିବ।