ଗ୍ୟାଙ୍ଗଷ୍ଟରଙ୍କ ଉପରେ ଏନଆଇଏର କାର୍ଯ୍ୟାନୁଷ୍ଠାନ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆକ୍ସନମୋଡରେ ରାଷ୍ଟ୍ରୀୟ ଯାଞ୍ଚ ଏଜେନ୍ସି ବା ଏନଆଇଏ । ଗ୍ୟାଙ୍ଗଷ୍ଟର ସିଣ୍ଡିକେଟ୍ ମାମଲାକୁ ନେଇ ଆକ୍ସନକୁ ଆସିଛି ଏନଆଇଏ । ପଞ୍ଜାବ, ହରିୟାଣା, ରାଜସ୍ଥାନ, ଦିଲ୍ଲୀ-ଏନସିଆର, ଚଣ୍ଡିଗଡ଼, ଉତ୍ତରପ୍ରଦେଶ, ଗୁଜୁରାଟ ଏବଂ ମଧ୍ୟପ୍ରଦେଶ ସମେତ ୭୦ ରୁ ଅଧିକ ସ୍ଥାନରେ ଚଢାଉ କରିଛନ୍ତି । ଉତ୍ତର ଭାରତରେ ସକ୍ରିୟ ଥିବା ଗ୍ୟାଙ୍ଗଷ୍ଟରଙ୍କ ବିରୋଧରେ ଏନଆଇଏ ଦୁଇଟି ମାମଲା ରୁଜୁ କରିଥିଲା । ବିଶେଷ କରି ଦିଲ୍ଲୀ, ପଞ୍ଜାବ, ହରିୟାଣା। ପଞ୍ଜାବର ୩୦ ରୁ ଅଧିକ ସ୍ଥାନରେ ଏହି ଚଢାଉ କରାଯାଇଛି ।
୬ ଗ୍ୟାଙ୍ଗଷ୍ଟରଙ୍କୁ ପଚରା ଉଚରା ସମୟରେ ଆଉ କେତେଜଣ ଗ୍ୟାଙ୍ଗଷ୍ଟରଙ୍କ ନାମ ସାମ୍ନାକୁ ଆସିଥିଲା । । ଏନଆଇଏ ପଚରାଉଚରା କରିଥିବା ଗ୍ୟାଙ୍ଗଷ୍ଟରଙ୍କ ଘର ଓ ସେମାନଙ୍କ ସହଯୋଗୀଙ୍କ ସହ ଜଡିତ ଅନ୍ୟ ସ୍ଥାନରେ ଚଢାଉ କରାଯାଉଛି । ଏନଆଇଏ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗ୍ୟାଙ୍ଗଷ୍ଟରଙ୍କର ବିଦେଶୀ ଲିଙ୍କ ଥିବା ସୂଚନା ମିଳିଛି । ପୂର୍ବରୁ ଗ୍ୟାଙ୍ଗ୍ଷ୍ଟାର୍ ଲରେନ୍ସ ବିଷ୍ନୋଇ ଏବଂ ନୀରଜ ବବାନା ଗ୍ୟାଙ୍ଗର କିଛି ସଦସ୍ୟଙ୍କୁ ଏନ୍ଆଇଏ ପଚରାଉଚରା କରି ଯେଉଁ ତଥ୍ୟ ସଂଗ୍ରହ କରିଥିଲା ତାହାରି ଆଧାରରେ ଏହି ଚଢ଼ାଉ ହେଉଥିବା ବିଶେଷ ସୂତ୍ରରୁ ଜାଣିବାକୁ ମିଳିଛି। ଆଜି ହେଉଥିବା ଏହି ଚଢ଼ାଉରେ ଅନେକ ଅସ୍ତ୍ରଶସ୍ତ୍ର ଜବତ ହୋଇ ସାରିଲାଣି।